Lightning-McQueen

That is the movie i like the most now.

Love and Dream

" ဂျက် "
တစ်ယောက်ယောက်ခေါ်နေသလိုပဲ။ အာ....... ဘာမှလည်းမမြင်ရဘူး။ မြူတွေလား။ ပိတ်နေလိုက်တာ။ ဒါဘယ်နေရာပါလိမ့်။
" ဂျက် "
ဟုတ်တယ်။ တစ်ယောက်ယောက်ခေါ်နေတာ သေချာတယ်။ ဟာ .............
" နင်.. နင်... ဘယ်လိုရောက်နေတာလဲ။ ဘယ်တုန်းကလာတာလဲ။ ကြည့်စမ်း။ ငါ့ကို အဆက်အသွယ်မလုပ်ဘဲ နေတာ ဘယ်လောက်ကြာပြီလဲ။ "
အံသြလွန်းလို့ မေးခွန်းတွေတရစပ်ဘယ်လိုထွက်သွားမှန်းတောင်မသိတော့ဘူး။
" ဂျက် . နင်ဘာမှမပြောင်းလဲသေးဘူး " ဆိုပြီး အားရပါးရပြုံးပြတယ်။ ဒီအပြုံးမျိုးကို ငါမှတ်မိတယ် ။ နင်စိတ်လိုလက်ရရှိမှ ပြုံးတတ်တာလေ။ ဒါဆို နင်ပျော်နေတာများလား။
" ဆံပင်အရှည်မထားတော့ဘူးလား။ ကတ္တီပါဖိနပ်အပါးနဲ့ပဲ လိုက်ပါတယ်ဆိုမှ။ ဘာဖိနပ်ကြီးလဲ ခုစီးထားတာ။ "
" အောင်မယ်.. ငါဘာသာ ငါဘယ်လိုနေနေပေါ့။ နေပါဦး နင်က ခုမှဘယ်ကပေါ်လာတာလဲ။ ငါက နင်မိန်းမတောင်ရနေပြီထင်တာ။ "
နင့်မျက်နှာပေါ်က အပြုံးဖျတ်ခနဲ ပျောက်သွားတယ်။
" နင် ရည်းစားမရသေးဘူး မဟုတ်လား ဂျက် "
" ဘာဆိုင်လို့လဲဟ။ ငါရည်းစားရတာ မရတာနဲ့ "
" သေချာတယ်။ နင်ရည်းစားတင်မဟုတ်ဘူး။ ချစ်ရမယ့်သူတောင် မတွေ့သေးဘူး။ "
" ဟိတ်.. ဒီမှာ. ဒီမှာ။ ချစ်တာတွေ မေတ္တာတွေဆိုတာ အသက်(၂၀)မကျော်ခင်မှာ ရူးရမယ့်အရာတွေပါ။ ခုငါတို့ (၃)နှစ်လောက်လွန်လာခဲ့ပြီ။ ခုချိန်မှာ အလုပ်လုပ်တာ ဦးနှောက်ပဲရှိတယ်။ "
ဟင်အင်း။ နင်အဲဒီလိုမကြည့်နဲ့။ သနားလိုက်တာဆိုတဲ့ အကြည့်မျိုး။
" ဂျက်. (၃)နှစ်ကြာပြီးတာတောင် နင်အရင်အတိုင်းပဲ။ လျှောက်ပြောမနေနဲ့။ အသက်(၂၀)မကျော်ခင်ကရော ချစ်တယ်ဆိုတာ နင်သိခဲ့လို့လား။ နင်က သူများကိုလည်း မချစ်တတ်ဘူး။ သူများချစ်တာကိုလည်း မခံစားတတ်ဘူး။ "
" မဟုတ်ဘူး။ မဟုတ်ဘူး။ နင်ချစ်တာကို ငါခံစားမိဖူးပါတယ်။ "
" ခံစားမိဖူးတယ်.......................... ဟုတ်လား။ အဲဒါကိုက နင့်အတ္တလေ။ "
မျက်မှောင်ကြုတ်လိုက်မိသလား။ နင်ကတော့ တစ်ယောက်တည်းပြောနေသလိုနဲ့ ဆက်ပြောနေတယ်။
" ချစ်သူပဲကိုဖြစ်ဖြစ်၊ သူငယ်ချင်းကိုပဲဖြစ်ဖြစ်၊ ကိုယ်မဟုတ်တဲ့ သူတစ်ယောက်ကို ဘာမှမပါဘဲ အချစ်သက်သက်နဲ့ ချစ်လို့ရတယ်ဆိုတာ နင်မသိဘူး။ အရင်ကလည်းမသိဘူး။ အခုလည်းမသိသေးဘူး။ နောက်လည်းသိလာမှာ မဟုတ်ဘူး။ လောကကြီးမှာ အချစ်စစ်စစ်ဆိုတာရှိတယ် ဆိုတာလည်း နင်မယုံသေးဘူး။ တစ်ယောက်ယောက်ကို အဲဒီအချစ်မျိုးနဲ့ ချစ်ဖို့ဆိုရင် ကိုယ့်နှလုံးသားကိုက အဖြူရောင်ရှိဖို့လိုတယ်။ တစ်ယောက်ယောက်ရဲ့ အချစ်ကို ခံစားတတ်ဖို့ဆိုရင်တော့ နှလုံးသားရဲ့အဖြူရောင်အပြင် ဦးနှောက်ကပါဖြူစင်ဖို့လိုတယ်။ "
နင် သက်ပြင်းချလိုက်တယ်ထင်တယ်။
" နင့်နားမှာ နင့်ကိုချစ်တဲ့သူတွေ များလာရင်များလာမယ်။ အဲဒီထဲမှာ အဖြူရောင်တွေများများပါလာလေလေ နင့်မှာဆပ်ရမဲ့ အကြွေးတွေများလာလေလေပဲဖြစ်မယ်။ "
" အချစ်ဆိုတာ ဘ၀မှာရသင့်မှရတဲ့ ဆုတစ်ခုပဲ။ အဲဒီဆုနဲ့ထိုက်တန်အောင် နင့်နှလုံးသားကမဖြူစင်ဘူး။ "
တအံ့တသြနဲ့ကြည့်နေရင်းနဲ့ပဲ နင့်ကိုမတွေ့တော့ဘူး။ နင့်နာမည်ကို အော်ခေါ်လိုက်တယ်။ ဘာမှလည်းမမြင်ရဘူး။ မြူတွေကလည်းပြန်ဆိုင်းလာပြန်ပြီ။ နင်ဘယ်ကိုရောက်သွားပါလိမ့်။ ဒီတခါလည်း နင်နှုတ်မဆက်သွားပြန်ဘူး။ ခုနကတွေ့လိုက်တာရော နင်ဆိုတာသေချာရဲ့လား။ အဲဒီမှာငါအသံတိုးတိုးလေး ကြားလိုက်တယ်။
" အိပ်ရာဝင်ရင် ခြေထောက်ဆေးဖို့မမေ့နဲ့ " တဲ့။
....ဒါဆိုရင် နင်ဆိုတာသေချာတယ်။ ငါ့ကို နှုတ်ဆက်ပြီးမှသွားလေ။ မိုးတွေရွာလာတာလား။ မျက်ရည်တွေများလား။ အေးလိုက်တာ။ ငါကဘယ်ကိုသွားရမှာလဲ။
.........................................................................................
တီ.........တီ...........တီ.. တီ... တီ. တီ.........တီ...........တီ.. တီ... တီ. တီ.........တီ...........တီ.. တီ... တီ.
..........................................................................................
အာ.... မိုးတောင်လင်းနေပါလား။ ညကပြတင်းပေါက်ပိတ်ဖို့မေ့သွားတာပဲ။ အေးလိုက်တာ။ ခြေထောက်ဆေးဖို့မမေ့နဲ့တဲ့။ မနေ့ညကရော ခြေထောက်ဆေးဖြစ်ခဲ့လား။ မမှတ်မိပါ။ နောက်နေ့တွေရော ခြေထောက်ဆေးဖြစ်မှာလား။ မသေချာပါ။ ဒီလိုအိမ်မက်ကရော နောက်ထပ်မက်ဦးမှာလား။ မသိပါ။ ရေရာတာတခုကတော့ ဒီနေ့တနေ့လုံး သတိရနေတော့မည်။ ။

Choice

ရောက်တဲ့နေရာမှာ ခဏရပ်။
နောက်ကိုပြန်ကြည့်တော့ ...........ငါရွေးချယ်ခဲ့ရဖူးတဲ့ လမ်းဆုံပေါင်းများစွာ ငါ့နောက်မှာ။
တချို့လမ်းဆုံတွေမှာ ဦးနှောက်ကရွေးပေးတဲ့လမ်းကြောင်းအတိုင်း လျှောက်ခဲ့တယ်။
တချို့ကိုတော့ ခံစားမှုသက်သက်နဲ့ရွေးခဲ့တယ်။
တချို့ကျတော့ ဖိအားပေးခံရမှုကြောင့် ရွေးခဲ့ရတယ်။
တချို့လမ်းတွေမှာတော့ ငါကိုယ်တိုင်က အရွေးချယ်ခံခဲ့ရတယ်။

မှန်သလိုလိုနဲ့ မှားခဲ့တဲ့ ရွေးချယ်မှုတွေ။
မှားတယ်ထင်ပေမဲ့ မှန်ခဲ့တဲ့ ကံကောင်းခြင်းတွေ။
ဘာမသိညာမသိနဲ့ ရွေးလျှောက်ခဲ့တဲ့လမ်းတွေ။
တွေဝေမှုတွေနဲ့ လှမ်းမိတဲ့ခြေလှမ်းတွေ။

ဟော.. လာပြန်ပြီ။ ရှေ့မှာ လမ်းဆုံတစ်ခု......
ရွေးရဦးမှာပါလား။
လျှောက်လက်စလမ်းအတိုင်း ဆက်လျှောက်မလား။
လမ်းအသစ်ဘက်ကူးမလား။

ဒီဘက်လမ်းမှာတော့ နေသားကျမှုတွေ၊ ရိ်ုးစင်းမှုတွေ၊ ခပ်မှိန်မှိန်အရောင်တွေနဲ့။
ဟိုဘက်လမ်းမှာတော့ စိန်ခေါ်မှုတွေနဲ့။
ဟိုးမှာ တလက်လက်နဲ့ကရော ငါ့အိမ်မက်လေးလေလား။

လမ်းဆုံခပ်များများကြုံချင်ပါရဲ့။
ရွေးချယ်ရတိုင်း ကြုံရတဲ့ ရင်ခုန်မှုတိုင်းကိုလည်း နှစ်သက်ပါရဲ့။
အကောင်းအဆိုး အကျိုးဆက်မှန်သမျှ ငါတစ်ယောက်တည်းခံရစတမ်းဆိုရင်ပေါ့။ ။

Happy Birthday to Xinyaw

My friend, Xinyaw
Happy Birthday & Many Happy return of the day.
May u be free to update xinyaw13.
:) :P :D

လူဆိုး(၂)ယောက်အကြောင်း။

ကျွန်မဘ၀ရဲ့ နံပါတ်(၁)နေရာမှာရှိတဲ့ လူဆိုး(၂)ယောက်အကြောင်း။

သူတို့ကို အဖေ၊အမေနဲ့တန်းတူ နံပါတ်(၁)ထားရတာ အကြောင်းရှိတယ်။
ဒီလို ဒီလို .. ကျွန်မတော်တော် ငယ်သေးတဲ့အရွယ်ကအတွေးထဲမှာ .. အဖေနဲ့အမေ ကွဲများကွဲရင် ဘယ်သူနဲ့များလိုက်ရပါ့မလဲလို့ မကြာမကြာတွေးဖူးတယ်။ (တွေးမယ့်သာတွေးတာပါ။ အဖေနဲ့အမေက ရန်တောင်ကြီးကြီးကျယ်ကျယ်မှ မဖြစ်ဘူးတာ။) ကျွန်မက အမေ့ကိုချစ်တဲ့ အဖေ့သမီးလေ။ တစ်ယောက်နဲ့လိုက်သွားရင် တစ်ယောက်အပေါ် ဘက်လိုက်သလို ဖြစ်မှာစိုးတာပေါ့။ ဒါကြောင့် အဲဒီအတွေး တွေးမိတိုင်း အဖေရော၊ အမေရောနဲ့မနေဘဲနဲ့ သူတို့(၂)ယောက်နဲ့ပဲနေမယ်လို့စဉ်းစားတယ်။ အဲဒီအတွေးက တော်တော်အမြစ်တွယ်ဖူးလို့ သူတို့အတွက် နံပါတ်စဉ်းစားတော့ အားနာနာနဲ့ပဲ နံပါတ်(၁)ပေးလိုက်ရတော့ တာပေါ့။

ကဲ .. တစ်ယောက်စီနဲ့ စကြရအောင်။

ပထမတစ်ယောက်က "ကိုကိုကြီး" လို့ ကျွန်မခေါ်တဲ့ လူဆိုး၀၀ကြီးပါ။ ရုပ်ရော၊ စိတ်ရော ကျွန်မနဲ့တော်တော်တူတဲ့လူဆိုးလေ။ ကိုယ့်ကိုကိုယ်အထင်ကြီးတတ်တာ၊ တကိုယ်ကောင်းဆန်တတ်တာ၊ ဆရာလုပ်တတ်တာ အဲဒီလိုအကျင့်ဆိုးတွေကအစကျွန်မတို့နှစ်ယောက်တူတာ။ ဘယ်တော့မှ ကျွန်မကိုအလိုမလိုက်တတ်ဘဲ၊ အမြဲအနိုင်ကျင့်တတ်လို့ အပေါ်ယံအားဖြင့်တော့ မတည့်ပေမဲ့၊ ကျွန်မရဲ့မသိစိတ်ကနေ ကျွန်မရဲ့ အပြုအမူ၊ အမူအကျင့်တွေကို အလွှမ်းမိုးထားဆုံး လူတစ်ယောက်လို့ ပြောရမှာပေါ့။ ကျွန်မလုပ်မိတဲ့ အလုပ်တွေက သူ့ခြေရာတွေကို မသိမသာလိုက်လိုက်မိတတ်တာ ကျွန်မကိုယ်ကျွန်မမသိလိုက်ခင်မှာပါပဲ။ လောကကြီးမှာ ကျွန်မလုပ်သမျှကို အရှုံ့ချဆုံး၊ မကောင်းအပြောဆုံး တစ်ဦးတည်းသောသူလေ။ ဒါ့အပြင် ကျွန်မသိချင်တာမှန်သမျှ ထွက်လာနိုင်တဲ့ အဘိဓာန်၀၀ကြီးလည်း ဖြစ်ပါသေးတယ်။

ဒုတိယတစ်ယောက်က လူဆိုးပိန်ပိန်လေးပါ။ "ကိုကိုငယ်" လို့ သူ့ကို ကျွန်မခေါ်ပါတယ်။ အပြင်ပန်းကြည့်ရင် ရေခဲတုံးတစ်တုံးနဲ့တူပေမဲ့၊ ခဏခဏအရည်ပျော်တတ်တဲ့ လူဆိုးပေါ့။ ဘယ်တော့မှပြန်မပြောသလို၊ ဘယ်တော့မှလဲနားမထောင်တတ်တဲ့လူစားမျိုးလေ။ ကျွန်မဘက်မှာ အမြဲရှိတယ်လို့ထင်ရသလိုနဲ့၊ ကျွန်မကို ဂရုမစိုက်တတ်ပြန်ဘူး။ စိတ်ရော၊ ရုပ်ရောကျွန်မတို့နဲ့ သိပ်မတူဘဲ၊ အလတ်ဆိုတဲ့အတိုင်း ခပ်လပ်လပ် ဖြစ်နေတယ်ဆိုပါတော့။ လောကကြီးမှာ ကျွန်မပြောသမျှ "အင်း" လိုက်တတ်တဲ့ တစ်ဦးတည်းသောသူလေ။ ဒါ့အပြင် ပွစိပွစိနဲ့ ဆူရပူရတာ ၀ါသနာပါတဲ့ ကျွန်မအတွက် ထုသမျှခံတဲ့ ပေပိန်ပိန်လေးလည်း ဖြစ်ပါသေးတယ်။
ကျွန်မထက် (၇)နှစ်နဲ့ (၄)နှစ်ခွဲ စီကြီးကြတဲ့ အဲဒီလူဆိုး(၂)ယောက်က မီးလိုတစ်မျိုး၊ ရေလိုတစ်မျိုး သူ့နည်း သူ့ဟန်နဲ့ ပူလိုက် အေးလိုက်လုပ်တတ်ပါသေးတယ်။ သူတို့မွှေးတဲ့မီးနဲ့ ကျွန်မအသက်ရှုရပ်လောက် အောင်ဖြစ်ဖူးသလို၊ သူတို့ကြောင့်လည်း ကျွန်မပညာတော်တော်များများတတ်ခဲ့တာပါ။

အချုပ်ဆိုရရင်တော့ ကျွန်မအတွက် အစ်မ၊ ညီမ လိုချင်တယ်ဆိုတာ မရှိရလေအောင် အပြည့်အ၀ နေရာယူထားနိုင်တဲ့ လူဆိုးကြီးတွေပဲ ဖြစ်တော့လေသတည်းပေါ့။

Current

၁။ လောလောဆယ်နားထောင်နေသော သီချင်းများ
နောနော် - အတိုင်းထက်အလွန် (series)
ဟဲလေး - ရင်ခုန်နှုန်း ၁၄ (series)
ဟန်ထွန်း - ရှိနေမယ် (series)
ဝိုင်ဝိုင်း - ထာဝရ
ကိုအောင် - နွေဦးပုံပြင်
Under my umbrella - Rihanna
Right here waiting for you - Richard Max
မိုးထက် - လမ်းကြုံရင်ပြောပေးပါ

၂။ လောလောဆယ်ဖတ်နေသော စာအုပ်များ
မြသန်းတင့် - သုခမြို့တော်
ဂျူး - ကြယ်ကြွေတို့ရဲ့ အတောင်ပံ
ဂျူး - ချစ်သူရေးတဲ့ ကျွန်မရဲ့ညတွေ
Chicken soup for soul
အရိုး - ... ဆိုသည်မှာ

၃။ လောလောဆယ်အလုပ်ချင်ဆုံးအလုပ်များ
အိပ်ခြင်း
ဆံပင်ညှပ်ခြင်း
တောင်တက်ခြင်း

၎။ လောလောဆယ်စားချင်သောအစားအစာများ
ပဲခေါက်ဆွဲ
ငါးမုန့်ကြော်
ထန်းမြစ်
သာကူပြုတ်
သဘောင်္သီးထောင်း

၅။ လောလောဆယ်သွားချင်သောနေရာများ
ကျိုက္ခမီ၊ စက်စဲ
ကျိုက်ထီးရိုး

၆။ လောလောဆယ်လုပ်ချင်ရက်နှင့်မလုပ်ဖြစ်ဆုံးအလုပ်များ
စာကျက်ခြင်း
ဘုရားရှိခိုးခြင်း

၇။ လောလောဆယ်မလုပ်ချင်ဘဲနှင့်လုပ်နေရသောအလုပ်များ
မနက်စောစောထခြင်း
ရုံးတက်ခြင်း

၈။ လောလောဆယ်အလိုချင်ဆုံးသောအရာ
သိန်း(၅၀၀)

/*လောလောဆယ်အများဆုံးလုပ်ဖြစ်တာကတော့ အိပ်တာပါပဲ။ */

အသက်ရှူကျပ်ရခြင်း အကြောင်းများ (၁)

အသက်ရှူကျပ်ရခြင်း အကြောင်းများ (၁)

‘ ကျွန်တော်လည်း နယ်ပြန်ပြီး၊ အေးအေးဆေးဆေးပဲ နေတော့မလားလို့ပါ။ ’

‘ နယ်မှာရော ဘာလုပ်မှာလဲ။ ’

‘ ဒီလိုပေါ့ အစ်ကိုရယ်။ မိဘနဲ့တူတူဆိုတော့လေ။ ’

‘ ခုလုပ်တဲ့ အလုပ်ကရော အဆင်မပြေလို့လား။ ’

‘ ပြေတယ်၊ မပြေဘူးတော့မဟုတ်ပါဘူး။ လုပ်ချင်တဲ့ အလုပ်တော့ မဟုတ်ဘူးပေါ့။ ရန်ကုန်စရိတ်နဲ့ကလည်း အလုပ်လေးတစ်ခုခု ရှိနေမှ မဟုတ်လား။ အလုပ်တစ်ခုရဖို့ဆိုတာကလည်း မလွယ်ဘူးလေ။ ရတာလေးပဲ မှေးလုပ်ထားရတာပေါ့ အစ်ကိုရယ်။ ’
‘ ဒါပေမယ့် ဒီလိုပဲနေလို့ကလည်း တသက်လုံးဘာမှ ဖြစ်လာမှာတော့ မဟုတ်ဘူးလေ။ တခုခုတော့ စွန့်စားရမှာပေါ့။ ’
‘ (၁၀)ပုံးကျော်လောက်ဆိုရင်လည်း မလေး လောက်ပဲရမှာ၊ မလေးက (၂)နှစ်လောက်လုပ်မှအရင်းလောက်ရမှာ။ ဂျပန်တို့ဘာတို့ကျတော့လည်း ရာကျော်မယ်။ အဲဒီလောက်တော့လည်း မခံနိုင်ဘူးလေ။ ’

‘ အင်း။ အစ်ကိုတို့လည်း ဒီလိုပါပဲ။ .....................’

‘ ဒါနဲ့ ................................................................ ’

ကျွန်မဘေးက လူနှစ်ယောက်ပြောဆိုနေကြတာပါ။ နှစ်ဆယ်ကျော် အစိတ်ပတ်ဝန်းကျင်လောက်ရှိတဲ့ လူတစ်ယောက်နဲ့ ဒီထက်နည်းနည်းငယ်မယ့် ကောင်လေးတစ်ယောက်ပါ။ ပြောနေတဲ့ ကောင်လေးက ဘာလုပ်ချင်တာလဲ။ သူပြောတာတွေက မှန်မမှန်တော့ မသိဘူး။ ဒါပေမယ့် ခုဖြစ်နေတာတော့ အမှန်ပဲ။

ကျွန်မတို့မိဘတွေ ကျွန်မတို့မောင်နှမသုံး၊လေးယောက်ကို တပြိုင်တည်း ဘယ်လိုရှာဖွေကျွေးမွေးခဲ့ပါလိမ့်။ ကျွန်မတို့မှာတော့ ကိုယ်ရနေတဲ့လခက မိဘကိုကျွေးဖို့ မပြောနဲ့၊ ကိုယ်သုံးဖို့တောင် မလောက်လို့။ ပိုက်ဆံတစ်ခုတည်းအတွက် ၀ါသနာပါပါ မပါပါ ရတဲ့အလုပ်လေးလုပ်နေရတဲ့သူတွေ ဘယ်လောက်များ များလိုက်မလဲ။ အဲဒီလိုရတဲ့အလုပ်လေးမှေးလုပ်ရင်းနဲ့ပဲ ကိုယ်ဘာဖြစ်ချင်မှန်းမသိ ကိုယ်ဘာသာပျောက်ဆုံးနေတဲ့ သူတွေဘယ်လောက်များ များလိုက်မလဲ။

ကိုယ်ဘာဖြစ်ချင်တယ် ဆိုတာ ကိုယ့်ဘာသာ ဆုံးဖြတ်ရမယ်ဆိုတာ မှန်ပါတယ်။ ကိုယ်ဖြစ်ချင်တဲ့ ‘ဘာ’ ဆိုတာဖြစ်လာဖို့ နောက်ကလိုက်ရမယ့် အရာတွေလည်းများသားပါကလား။ ဥပမာ-ကိုယ့်ဝါသနာမှ မလုပ်ရရင်မလုပ်ဘူးဆိုတဲ့ ကျွန်မတို့ကို တင်ကျွေးထားနိုင်လောက်တဲ့ မိဘရဲ့ အခြေအနေ၊ ကိုယ့်ဝါသနာကို professional ဖြစ်လာစေဖို့လိုအပ်တဲ့ကျွမ်းကျင်မှုအတွက် အချိန်နဲ့ငွေ၊ (ဇွဲ၊ လုံ့လ၊ ၀ိရိယ၊ ကြိုးစားအားထုတ်မှု စတာတွေကိုတော့ ထည့်ပြောမနေတော့ပါဘူး။ ဒါလူတိုင်းသိပါတယ်။)

ခုကျွန်မတို့ဘ၀တွေက ဘာဖြစ်ချင်တယ်ဆိုတာကို နောက်ကလိုက်ရမယ့်အရာတွေနဲ့ ချိန်ထိုးပြီး၊ ဆုံးဖြတ်နေကြရပါတယ်။ ဒီတော့လည်း ဖြစ်ချင်တာတခြား ဖြစ်နေတာတခြားတွေ၊ ဘာဖြစ်ချင်လို့ ဖြစ်ချင်မှန်းမသိတွေ၊ အဆင်ပြေတာ၊ ပိုက်ဆံများများရတာ၊ ဟိုဟာဆို ဟိုဟာလိုက်၊ ဒီဟာဆို ဒီဟာလိုက်တွေ များများလာတာနေမှာပါ။ ဒီအခြေအနေတွေ ဖြစ်ဖြစ်နေတာ ကျွန်မတို့တွေကပဲ ညံ့လွန်းလို့လား။ ဒါမှမဟုတ် .................

သိမ်းမယ်

အထပ်ထပ်ကြဲချခြေရာများ
နှလုံးသားပေါ်
မြတ်နိုးစွာ သိမ်းမယ်။

ဘာကြောင့်ပစ်ပစ်
ဘယ်လောက်ပစ်ပစ်
မင်းမျက်စောင်းတွေအားလုံး
အချစ်နဲ့လဲပြီး သိမ်းမယ်။

မြင်လိုက်တာနဲ့
စံပယ်ဖူးလို စူသွားတဲ့မင်းနှုတ်ခမ်း
မျက်ဝန်းထဲမှာ သိမ်းမယ်။

ရင်ခုန်သံတွေအပေါ်
နင်းသွားတဲ့ မင်းခြေဆောင့်သံ
နားနှစ်ဖက်နဲ့ သိမ်းမယ်။

အထပ်ထပ်ဝါးထားတဲ့
မင်းပီကေလေး
ခေါင်းထက်မှာ သိမ်းမယ်။

တွေ့လိုက်တာနဲ့
ချာခနဲ လှည့်အထွက်
အင်္ကျီကြားက မင်းခါးသားလေး
ဝင်းမွတ်စွာ သိမ်းမယ်။

မင်းချွေးသုတ်ပြီး လွှင့်ပစ်တဲ့
တစ်သျှူးပေါ်က အနံ့လေး
အိပ်ကပ်ထဲမှာ အမြဲသိမ်းမယ်။

အမြဲမလစ်လပ်တဲ့ မင်းနှလုံးသား
လပ်ရဲလပ်ကြည့်
အတွေးနဲ့ သိမ်းမယ်။

အရမ်းခံစားပြီး ရေးထားတဲ့ကဗျာလေး
ပေးဖတ်လိုက်တဲ့အခါ
အစိတ်စိတ်အမွှာအမွှာ ဆုတ်ဖြဲပြီး
ဘာကြောင်တာလဲ ဆိုတဲ့
မင်းအသံလေးနဲ့ပဲ ထုပ်သိမ်းမယ်။

ရည်းစား
တစ်ယောက်က တစ်ယောက်အကူး
ထွက်ကျသွားတဲ့ မင်းရယ်သံ
နှုတ်ခမ်းထက်မှာ သိမ်းမယ်။

နေ့ည တွေးသမျှ အတွေးတွေအကုန်လုံး
မင်းသိမ်းသွားတဲ့အခါ
အကြီးကျယ်ဆုံး အရှုံးတစ်ခု သိမ်းမယ်။

ရည်းစားဘ၀ စိတ်ကောက်ရင်
ရာထူးတက်တယ်တဲ့
ရည်းစားမဟုတ်သေးပေမယ့်
မင်းစိတ်ကောက်နေတာလေး
စိတ်နဲ့ သိမ်းမယ်။

မတွေ့မမြင်တာကြာလို့ မေးတဲ့အခါ
ဖျားနေတာ အဖျားတွေ တသက်လုံးသိမ်းပါလား တဲ့
တုံ့ပြန်စကားလုံးများ
အိမ်မက်ထဲမှာ သိမ်းမယ်။

ရိုက်တော့မယ်လို့
မာန်စောင်နေတဲ့ မင်းလက်ဖ၀ါးလေး
ပါးပြင်ပေါ်မှာ သိမ်းမယ်။

အချစ်တစ်ခုတည်းနဲ့သာ
လိမ်းခြယ်ထားမိတဲ့ ဘ၀လေး
ကျားသစ်လက် ငါးမန်းပါးစပ်နဲ့
တစ်ဟုန်ထိုး ဟပ်ဟပ်နေတာ
မင်း ...
ပြန်မအမ်းတော့ဘူးလားဟင်
သိမ်းချင်လို့ပါ
သိမ်းမယ်။ ။

စောဝေ

ဖျော်ရည်

ဘယ်လိုအကြောင်း ဘယ်လိုကံမျိုးနဲ့မှ
နောက်တစ်ကြိမ် ပြန်သောက်ခွင့်မရှိတဲ့
ဖျော်ရည်တစ်ခွက်ကို အားလုံးနဲ့တူတူ သောက်ဖူးတယ်။

အဲဒီဖျော်ရည်ထဲမှာ
တလက်လက်တောက်နေတဲ့ မျှော်လင့်ချက်တွေ
မကောက်ကျစ်တတ်သေးတဲ့ ကိုယ်ကျင့်တရားတွေ
အရောင်မပါတဲ့ ရင်ခုန်သံတွေ
ချစ်ခြင်းထက်ပိုတဲ့ သံယောဇဉ်တွေ
နောက် ... ပျော်စရာကောင်းတဲ့ နာကျင်မှုတွေ
...............
အချိုးကျကျရောစပ်ထားခဲ့တယ်။

တဖြည်းဖြည်းသေဆုံးလာနေတဲ့ မျှော်လင့်ချက်တွေ
အတ္တဆန်လာတဲ့ ကိုယ်ကျင့်တရားတွေ
နွေးထွေးချင်ယောင်ဆောင်လာတဲ့ အေးစက်မှုတွေ
စည်ကားသလိုနဲ့ အထီးကျန်မှုတွေ
ဒါနဲ့ပဲ ခုချိန်မှာငါ ...
ဖျော်ရည်သောက်ရတဲ့ကာလကို အိမ်မက်မက်တယ်။

16th Nov 2007.. 5:10 Pm

ဝတ်စားဆင်ယင်မှု

တောကျတယ်လို့ပဲပြောပြောပါ။ နည်းနည်းတော့ ကြေငြာဦးမယ်။ စကဒ်အတိုလေးများကို မ၀တ်ဖြစ်ပေမဲ့ ကြည့်ရတာပေါ့ပေါ့ပါးပါးလွတ်လွတ်လပ်လပ် ရှိသည်ဟု ခံစားမိ၍ ကြိုက်ပါတယ်။ ပြောချင်တဲ့အဓိကကတော့ ဒူးခေါင်းအထက်ပြဿနာပင်ဖြစ်သည်။ ကျွန်မကတော့ ဒူးခေါင်းအထက်စကဒ်၊ ဘောင်းတိုတို့ကို ဘယ်လိုမှခံစား၍မရပါ။ Dynaလို ကားမျိုးပေါ်တက်တဲ့အခါမျိုးမှာ ကျွန်မကိုရင်တုန်အောင်ခံစားမှုကို ပေးစွမ်းနိုင်လို့ထင်ပါရဲ့။ ဘာလို့များ အဲလိုစကဒ်တွေကြိုက်သလဲလို့ပေါ့။ ဘယ်လောက်ပဲ ခြေထောက်လေးက ဖော့ဖယောင်းအလား သွယ်ပြောင်းနေပါစေ ကျွန်မကတော့ ကြည့်ရတာနဲ့ကိုမကြိုက်ပါဘူး။ (ကျွန်မကမိန်းကလေးမို့လို့လားတော့ မသိဘူးနော့)။ ဒူးနားလောက်စကဒ်ကလေးတွေလည်းလှပါတယ်။ အဲ အဲ ဒါပေမယ့် ဒူးနားလောက်ရှိပေမယ့် ပါးပါးကားကားလေးဆိုရင်လည်း တစ်မျိုးရင်တုန်စရာလေ။ နော့။

ကဲ ထားပါလေ။ ဘယ်သူဘာဝတ်ဝတ်ပေါ့။ ကိုယ်မကျေနပ်ရင်လျှောက်မကြည့်ပြီးတာပဲ။ မျက်စိထဲ ကိုးလိုးကန့်လန့်ဆို ကြည့်မိတဲ့ ကိုယ့်မျက်လုံးကိုပဲ အပြစ်တင်ပါတယ်။

ကြုံတုန်းတော့ ကိုယ့်အကြိုက်လေးလည်း ပြောခဲ့ဦးမှ။ ကျွန်မကတော့ ဂျင်းဘောင်းဘီနဲ့ Tရှပ်၊ ရှပ်လက်တို ကိုအကြိုက်ဆုံးပါ။ ဘောင်းဘီမ၀တ်သင့်၊ မ၀တ်ရတဲ့နေရာအတွက်ဆိုရင်တော့ ထမီရှည်ရှည် ၀တ်ရတာ ကြိုက်တယ်။ မ၀တ်ဖြစ်ပေမဲ့ အကြိုက်ဆုံးကတော့ မြန်မာချည်ထမီနဲ့ မြန်မာချည်အင်္ကျီပါ။ အင်္ကျီကလက်ရှည် မဟုတ်ဘူးနော်။ လက်တိုလက်တို။

ဒါပါပဲ။ လက်ဆောင်ဝယ်ပေးချင်တဲ့သူ ၀ယ်ပေးရအောင် ကြေငြာတာပါ။ :P

ဟုတ်

လူတစ်ယောက်၏အမူအကျင့်ဟုဆိုရာတွင် တမင်လုပ်ယူတဲ့အကျင့်၊ ပတ်ဝန်းကျင်ကြောင့် ဖြစ်လာတဲ့အကျင့်၊ သူ့ဘာသာ အလိုအလျောက်ဖြစ်လာတဲ့အကျင့် စသဖြင့် အမျိုးမျိုးကွဲပြားမည်ဖြစ်သည်။ ယေဘုယျအားဖြင့် ကောင်းသောအကျင့်ကို အတုယူရန်ထက်ဆိုးသောအကျင့်ကိုပြုပြင်ရန်မှာ ပိုမိုခက်ခဲတတ်ကြသည်။ တမင်လုပ်ယူထားသောအကျင့်ကိုဖယ်။ ကျန်အကျင့်များတွင်မှ တချို့အကျင့်များကို ကိုယ်တိုင်ကနှစ်နှစ်သက်သက် ပြုမူသော်လည်း၊ တချို့အကျင့်များမှာမူ ကိုယ်တိုင်ကမနှစ်သက်ဘဲ၊ မသိစိတ်ကြောင့်သော်လည်းကောင်း၊ ဂရုမမူမိ၍သော်လည်းကောင်း ပြုမူမိတတ်ကြသည်။

ကျွန်မတွင်လည်း ကျွန်မကိုယ်တိုင်နှစ်သက်၍ လက်ခံထားသောအကျင့်များရှိသလို၊ လက်မခံချင်ဘဲ လက်ခံ ထားရသောအကျင့်များလည်းရှိသည်။ လက်မခံချင်ဟုဆိုရာတွင်လည်း လက်မခံနိုင်လောက်တဲ့ အကျင့်ဆိုးများသာမက ကျွန်မကိုယ်တိုင်၏ ပုဂ္ဂလိကခံစားချက်သက်သက်နှင့်သာ မနှစ်သက်သော အပြုအမူများလည်း တချို့ တချို့ပါဝင်သည်။ ၄င်းတို့အနက် ..... မနှစ်သက်ဆုံးနှင့် နေ့တိုင်းလုပ်ဖြစ်နေသော အကျင့်တစ်ခုမှာ "ဟုတ်"....................................

ယဉ်ယဉ်ကျေးကျေးမြန်မာစကားတစ်လုံးဖြစ်သည့် "ဟုတ်ကဲ့" ဆိုသည့်စကားလေးနှစ်လုံးကို ယနေ့ခေတ်တွင် လူတော်တော်များများက "ဟုတ်" ဟူ၍သာ ပြောဆိုနေကြသည်ကို သတိပြုမိကြပါလိမ့်မည်။ မြန်မာစကားများပျက်စီးမည် စိုး၍ ဘာ၍ ဟူသော ပညာရှင်ဆန်သော အတွေးများကျွန်မတွင်မရှိပါ။ ကျွန်မ၏အာရုံတွင် ပေါ့ပျက်ပျက်နိုင်သည်ဟု ခံစားမိသောကြောင့်သာလျှင် မနှစ်သက်ခြင်းဖြစ်ပါသည်။ မနှစ်သက်ပင်မနှစ်သက်သော်ငြား နေ့စဉ်ကျွန်မ၏နှုတ်မှ တဟုတ်ဟုတ် နှင့် ဟုတ်နေသည်ကိုတော့ ၀န်ခံရပေမည်။ ဘယ်အချိန်က ကျွန်မပါးစပ်ထဲရောက်လာမှန်း၊ ကျွန်မရဲ့ ဘယ်လိုအကျင့် အမျိုးအစားဟုသတ်မှတ်ရမှန်း မသိတော့ပေမယ့် ခုချိန်မှာတော့ အိမ်တွင်လည်း အိမ်တွင်မို့၊ အလုပ်တွင်လည်း အလုပ်တွင်မို့ သတိထားနေရင်းနှင့်ပင် "ဟုတ်" မိသွားပြန်သည်။ ခေါင်းတညိတ်ညိတ်နားထောင်ရသောအခါ များတွင်ပို၍ ပင်သိသာပါသည်။ အစပိုင်းတွင် ဟုတ်ကဲ့နေရင်းနှင့်ပင် တဖြည်းဖြည်းနှင့် "ဟုတ်" ဖြစ်လာတတ်သည်။ စိတ်မပါပဲ ခေါင်းညိတ်ရသောအခါမျိုးတွင်လည်း "ဟုတ်" တတ်သည်။ စိတ်ပျက်လာသော အခါများတွင်လည်း "ဟုတ်" တတ်သည်။ ဘာလို့များ ပြင်လို့မရဖြစ်နေပါလိမ့်လို့လည်းတွေးမိပါသည်။

သူများပြောဆိုနေတာကိုတော့ ဘာမှမခံစားမိလို့ ဘာမှမပြောလိုပေမယ့် ကျွန်မကိုယ်တိုင်တော့ ဒီ "ဟုတ်" ကြီးကိုမပြောချင်ပါ။ ဘာပဲဖြစ်ဖြစ် ဒီ"ဟုတ်" ဆိုတာကြီးကို ကြိုက်ကိုမကြိုက်ပါ။ ပြင်ဖို့လည်း ကြိုးစားပါဦးမည်။

No Title

မျက်ဝန်းက မမျှော်ပေမဲ့

နှလုံးသားက အော်ခေါ်နေမိတယ်။

မေ့ဖို့ ကြိုးစားလိုက်တိုင်းလည်း

သတိရတာပဲ အဖတ်တင်တယ်။

ငါ့ရင်ခွင်မှာ

အစားထိုးဖို့

မင်းရဲ့ဓါတ်ပုံကိုတောင်

ငါ့နှလုံးသားက ငြင်းမိတယ်။

နေနဲ့လ

နေ့နဲ့ည

ဘယ်လိုပဲ လှည့်ပတ်ပြောင်းလဲနေ

ငါ့ရင်ထဲမှာ နင်တစ်ယောက်တည်း။

ချစ်ခြင်း

သံယောဇဉ်

သတိရခြင်း

လွမ်းဆွတ်ခြင်း

ဘာကြောင့်ပဲ ဖြစ်ဖြစ်

တိုက်ဆိုင်လို့ အိမ်မက်မက်ခဲ့ရင်

ငါ.. အိပ်ဆေးတွေနဲ့ ဆက်ပြီး ခရီးသွားပါရစေ။ ။

My Star

ကျွန်မချစ်သော ကြယ်လေးတစ်လုံးရှိပါသည်။ ကျွန်မပိုင်ဆိုင်သော ကြယ်တော့မဟုတ်ပါ။ ခပ်ဝေးဝေးတွင် လင်းလင်းလေးလက်နေသော ကြယ်လေးသာဖြစ်ပါသည်။

ထူးချွန်သော၊ လူသိများသော၊ လင်းလက်သော၊ တန်ဖိုးကြီးသော၊ ပိုင်ရှင်ရှိသော ကြယ်ပေါင်းများစွာထဲကမှ ကျွန်မ၏ကြယ်လေးကို မရှာဖွေဘဲ တွေ့ရှိခဲ့ခြင်းဖြစ်သည်။ကြယ်လေး၏ အတ္ထုပတ္တိ၊ ဇာတ်ကြောင်း၊ ပိုင်ရှင်ရှိခြင်း၊ မရှိခြင်း ဘာဆိုဘာကိုမှ ကျွန်မမသိခဲ့ပါဘူး။ မော့ကြည့်လိုက်ရုံဖြင့် ကြည်နူးရခြင်းတစ်ခုတည်းနှင့်ပင် ကျွန်မ၏ကြယ်အဖြစ်သတ်မှတ်ခဲ့ခြင်းဖြစ်သည်။ ကြယ်လေး၏ မာန၊ အတ္တ၊ လင်းလက်မှု၊ အားလုံးကို ကျွန်မချစ်ပါသည်။ ကျွန်မတွင် ကျွန်မချစ်သောကြယ်လေးတစ်လုံး ရှိတယ်ဆိုသော အသိတစ်ခုနှင့်ပင် အဓိပ္ပာယ်ရှိနေပါသည်။ ငုံ့ကြည့်မှသာ မြင်နိုင်မယ့် ကျွန်မကို ကြယ်လေးငုံ့ကြည့်ခြင်း၊ မကြည့်ခြင်းက အရေးမပါပါ။ ကြယ်လေးကို ထိကိုင်ကြည့်ဖို့လည်း စိတ်ကူးမရှိပါ။ အားကျတဲ့စိတ်နဲ့ ခပ်ဝေးဝေးက ကြည့်နေရခြင်းကိုပင် ကျွန်မကျေနပ်ပါသည်။
အလွန်ရှားပါးသော တခါတခါမှာတော့ ကြယ်လေးနားရောက်ချင်သော အတ္တလေးတစ်ခုနှင့်ပင် ကျွန်မကိုယ်တိုင်ကြယ်တစ်လုံးဖြစ်အောင် ကြိုးစားချင်ဖူးပါသည်။ ဒါပေမယ့် နီးကပ်လွန်းလျှင် လင်းလွန်းမှာစိုးသောကြောင့်ရယ်၊ အနားရောက်သွားလျှင် အပြစ်တွေ၊ ချို့ယွင်းချက်တွေ မြင်လာနိုင်တဲ့ သဘောကိုသိလွန်းသောကြောင့်ရယ် အဲဒီအတ္တလေးက ပြန်ပြန်ပျောက်သွားတတ်ပါသည်။ ကျွန်မက ကျွန်မ၏ကြယ်လေးကို ဘာအပြစ်မှ မမြင်လိုဘဲ၊ လင်းလင်းလေးလက်နေခြင်းကိုသာ မြင်လိုပါသည်။ ခပ်ဝေးဝေးကသာကြည့်လိုသည်။

ဒါကြောင့်............. ကျွန်မတွင် ကြယ်တစ်လုံးရှိသည်။ ဒါ့ထက်ပို၍... မော့ကြည့်ရင်းပင်ရင်ခုန်ရသော ကြယ်တစ်လုံးရှိသည်။

Lovely Sunday

ပြီးခဲ့တဲ့တနင်္ဂနွေက ရွှေတိဂုံဘုရားအရှေ့ဘက်မုခ်မှာရှိတဲ့ မင်္ဂလာဗျူဟာမှာ (၉၁)ကြိမ်မြောက် သွေးလှူဒါန်းပွဲရှိပါတယ်။ ကျွန်မလည်း လှူမယ်ဆိုပြီးတော့ သွားပါတယ်။ အစ်မတစ်ယောက်က စနေနေ့ကတည်းက Register လုပ်ပေးပြီး၊ ကျွန်မကိုလည်း လာစောင့်ပေးပါတယ်။ ပထမဆုံးအကြိမ် ဖြစ်တဲ့အတွက် ရင်တော့နည်းနည်းခုန်တယ်ပေါ့။ တနင်္ဂနွေ နေ့လည် (၁၂)ခွဲလောက် ဗဟန်း(၃)လမ်း ကားမှတ်တိုင်ကနေလျှောက်လာတဲ့လမ်းတလျှောက် လက်ဖျံမှာ ပလာစတာကပ်ထားတဲ့ သူတွေကို အားကျတဲ့မျက်လုံးနဲ့ ကြည့်ပြီး ပျော်ပျော်ရွှင်ရွှင်နဲ့ပေါ့။ ဒါပေမယ့်.............. ဟေမိုဂလိုဗင်လည်း စစ်ရော မပြည့်ပါတဲ့လေ။ လှူလို့မရသေးဘူးတဲ့။ ကျွန်မက ကျွန်မကိုယ်ကျွန်မ လုံးဝလှူလို့ရမယ်ပဲ တွက်ထားတာလေ။ (ကျန်းမာရေးကလည်း ဒေါင်ဒေါင်မြည်ကိုး။) ပထမဆုံး ပွဲဦးထွက် အတွေ့အကြုံကတော့ သင်းနေတာပါပဲ။ လိုက်ပေးတဲ့ အစ်မကိုလည်း တော်တော်အားနာသွားပါတယ်။ သွေးလှူတာလိုက်ပေးတာရော၊ မလှူရတော့ ဘုရားပေါ်တက်ပြီး၊ ကျွန်မလေကန်တာ နားထောင်ပေးတာရောပေါ့။ (ဟဲ ဟဲ.. လာဖတ်မယ်ဆိုတာ သိလို့ ဖားနေတာပါ။)

နောက်တစ်ကြိမ်တော့ လှူဖြစ်အောင်လှူမယ်လို့။

Bus Fee & people

ကျွန်မက မနက်ဆို (၂၀၄) Mini Bus စီးပြီး၊ ညနေဆိုရင်တော့ ဘုရင့်နောင်လမ်းအတိုင်းသွားတဲ့ ကားတွေစီးဖြစ်တယ်။ အခုတလော ကျွန်မစီးနေကျ Bus တွေပေါ်မှာ မနက်လည်း မနက်မို့လို့ ညနေလည်းညနေမို့လို့ ကြားနေရ၊ ကြုံနေရတဲ့ ပြသနာက ကားခပါပဲ။ Oct လဆန်းလောက်ကစပြီး၊ လမ်းပိုင်းအလိုက် ကားခဖြတ်တဲ့နှုန်းတွေ ပြောင်းလိုက်လို့ တချို့ တချို့ တွေက ပုံမှန် (၁၀၀)ကျပ် ပေးရတဲ့ နေရာကို (၁၅၀)ကျပ်ပေးကြရပါတယ်။ (၅၀)ကျပ် ပေးရတဲ့ နေရာကို (၁၀၀)ကျပ်ပေးကြရပါတယ်။ မနက်ဆိုရင် (၂၀၄)ပေါ်မှာ အဲဒီပြသနာက သံသာချိုအေးမင်္ဂလာတေးအနေနဲ့ မနက်မနက်နားဆင်ရပါတယ်။ ညနေဆိုရင်တော့ (၄၄)စီးမိရင် ကြားရပြီ ဒီအသံတွေ ....။

မနေ့ညနေက ကျွန်မပြန်တာ နောက်ကျပါတယ်။ လမ်း(၃၀)မှာ ကားစောင့်ရင်း စီးမိတာက (၄၄)။ ပြေးတက်လိုက်တော့ နောက်ဆုံးခုံတန်းမှာ နေရာရပါတယ်။ ကျွန်မဘေးမှာက အသက် (၆၀)အရွယ်လောက်ရှိတဲ့ ဘကြီးတစ်ယောက်။ တက်တက်ချင်းပဲ သူကကျွန်မကို ဒီကားက (၁၉၉)လား၊ (၄၄)လားလို့မေးပါတယ်။ ကျွန်မက (၄၄)ဖြစ်တဲ့အကြောင်းပြောတော့ သူက (၁၉၉)ထင်လို့တက်လာတာလို့ပြောပါတယ်။ အချိန်ကလည်း (၇)နာရီပတ်ဝန်းကျင်ဖြစ်နေပြီး၊ ထိုင်စရာနေရာလည်းရထားတော့ ပြန်မဆင်းတော့ဘူးလို့ ဆုံးဖြတ်လိုက်ပုံပါပဲ။ ကျွန်မစိတ်ထဲ တွေးမိတာကတောင် (၁၉၉)နဲ့(၄၄)က ဒညင်းကုန်းအထိ လမ်းကြောတူတူပဲဟာ ဘာစီးစီးတူတူပေါ့၊ ဘာဖြစ်လို့များ (၁၉၉)စီးချင်ရတာလဲပေါ့။ စပယ်ယာပိုက်ဆံလာကောက်တော့မှ သဘောပေါက်တယ်။ သူဆင်းမယ့် မှတ်တိုင်က (၁၉၉)စီးရင် (၁၅၀)ပဲပေးရပြီး၊ (၄၄)စီးရင် (၂၀၀)ပေးရတာကိုး။ ဒီမှာတင် ပြသနာစတော့တာပဲ။ စပယ်ယာကို သူက (၁၅၀)မဟုတ်လားလို့ မေးပါတယ် (တကယ်တော့ သူသိပြီးသားပါ။ ရများရမလားဆိုတဲ့ တ၀က်တပျက်မျှော်လင့်ချက်နဲ့မေးတာ ဖြစ်နိုင်ပါတယ်။) စပယ်ယာက ဘာမှမပြောပဲ ကပ်ထားတဲ့ ကားခကောက်ခံနှုန်းဇယားကိုပဲ လက်ညှိုးထိုးပြပါတယ်။ (စပယ်ယာခမျာလည်း ဒါချည်းပဲ ဖြေနေရလို့ မောရှာပြီပေါ့)။ ဒါကိုသူက မင်းတို့က ဘာညာနဲ့ စကားထများပါလေရော။ စပယ်ယာ နှစ်ယောက်ရော၊ ဒရိုင်ဘာပါ ပါလာပြီး (၅)မိနစ်လောက် ငြင်းခုံအပြီးမှာ စပယ်ယာတွေနဲ့ ဒရိုင်ဘာက တိတ်လိုက်ကြတယ်။ မတိတ်တာက ကျွန်မဘေးက ဘကြီးပါ။ သူ့ကြည့်ရတာ တနေ့လုံးလည်း အလုပ်အဆင်မပြေလာဘူးနဲ့တူပါတယ်။ အကြောင်းစုံကို တတွတ်တွတ်နဲ့ပြောနေတော့တာပါပဲ။ ခပ်တိုးတိုးပဲ ပြောတော့ တော့ ဘေးက ကျွန်မကိုပဲ တိုင်တည်သလိုဖြစ်နေပြီး၊ သူတခွန်းပြောလိုက် ကျွန်မတွေးစရာ တခုရလိုက်၊ ရင်ဘတ်ထဲက စူးခနဲအောင့်လိုက်နဲ့ ဒုက္ခကိုများနေတာပါပဲ။ လူကလည်း တနေ့လုံးပင်ပန်းတာနဲ့၊ ဗိုက်ဆာတာနဲ့ပေါင်းပြီး၊ ငိုချင်သလိုလိုတောင် ဖြစ်လာတော့တယ်။ တော်ပါတော့ လို့ ပြောချင်ပေမယ့် မှန်တာတွေများနေတော့လည်း နားထောင်နေရင်းနဲ့ ဘုရင့်နောင်လမ်းဆုံကို ဘယ်လိုရောက်လာမှန်းတောင်မသိအောင်ပါပဲ။ ပြောတာတွေ အများကြီးထဲမှာ ကျွန်မသေချာမှတ်မိတာကတော့ " တနေ့လုံးသေအောင်လုပ်တောင် (၁၀၀၀) ရဖို့ မနည်းရှာရတာ။ ကားခက (၄၀၀)ကုန်ရင် ဘာသွားစားရတော့မှာလဲ။ " ဆိုတာပါပဲ။ ဟုတ်တာပေါ့။ ကျွန်မလည်းဒီလိုလကုန်ခါနီးရက်တွေဆိုရင် (၁၅၀)ကုန်မဲ့ကားခအစား (၁၀)ပဲကုန်မယ့် ရထားကိုပြောင်းစီးရကောင်းမလား ခဏခဏတွေးရပါတယ်။

သြော် ... ဘာရယ်မဟုတ်ပါဘူး။ ကြုံရပုံများ ပြောပါတယ်။

Testing

အသစ်မတင်ဖြစ်တာ ကြာသွားပြီ။ ရေးထားတာလေးတွေရှိတယ်။ post တွေက ရှင်းရှင်းလင်းလင်းပေါ်တဲ့ဟာပေါ်၊ မပေါ်တဲ့ဟာမပေါ်နဲ့ စိတ်ညစ်နေတာ။ ခု ဒီpost က စမ်းကြည့်တာ။
internet ကလည်း ဘယ်အချိန်သုံးရမှန်းမသိ။ အလုပ်ကလည်းများ။ မများလည်းအရှုပ်တွေလုပ်နဲ့။ ရှုပ်နေတယ်။ စိတ်ရော။ လူရော။

present from...

1 + 1 = 2 eyes are looking for you.
4 + 1 = 5 senses missing you.
12 + 12 = 24 hours thinking of you.
3+ 4 = 7 days care about you.
1 + 11 = 12 months take care, I love you.

/* ကြာပါပြီ။ သူငယ်ချင်းတစ်ယောက်ပို့ပေးထားတာ။ သူဘယ်ကနေ ရသလဲတော့ မသိဘူး။ စာကြောင်းလေးတွေက ချစ်စရာကောင်းလို့။ */

မှန်နေပါသော်လည်း

/* ဒီမနက် ရေဒီယိုကနေ ပုံပြင်လေးတစ်ပုဒ် နားထောင်လိုက်ရတယ်။ ကြားဖူးပြီးသားလည်း ဖြစ်ချင်ဖြစ်မှာပါ။ ကျွန်မကတော့ ခုမှကြားဖူးတာပါ။ ပြောပြမယ်နော် ။ */

ပုံပြင်လေးဖြစ်လာတာက ဒီလိုပါတဲ့။ လူနှစ်ယောက် စကားပြောနေရင်းကနေ တစ်ယောက်ကပြောတယ်။ "ဘယ်သူမှားမှား ကိုယ်မှန်ရင် ပြီးတာပဲ" တဲ့။ ဒါနဲ့ နောက်တစ်ယောက်က ဒီပုံပြင်လေးကို ပြောပြပါတယ်။တခါတုန်းက အမျိုးသမီး (၃)ယောက်ရှိတယ်တဲ့။ သူတို့ (၃)ယောက်လုံးဟာ သေပြီးတဲ့နောက်မှာ နတ်ပြည်ကိုရောက်သွားကြပါတယ်။ နတ်ပြည်ရောက်ပြီးတော့ ဘယ်ကိုသွားရမှန်းမသိဖြစ်နေတုန်း သိကြားမင်းရောက်လာပါလေရော။ သူတို့ကလည်း သူတို့ဘယ်မှာနေရမလဲလို့ သိကြားမင်းကို မေးကြတာပေါ့။ သိကြားမင်းကလည်း လမ်းတစ်ခုကို ညွှန်ပြပြီး၊ ဒီလမ်းအတိုင်းလျှောက်သွားရင် နေရမယ့် ဘုံဗိမ္မာန်ကို တွေ့လိမ့်မယ်လို့ပြောပါတယ်။ မမှားမယွင်း သတိပြုရမှာတစ်ခုကိုလည်း ပြောပါသေးတယ်။ အဲဒါကတော့ လမ်းလျှောက်နေရင်း ဘဲတွေကိုတွေ့ရင် တစ်ကောင်ကိုမှ မနင်းမိစေနဲ့တဲ့။ ဒါနဲ့ပဲ အမျိုးသမီး(၃)ယောက်လည်း ပျော်ပျော်ရွှင်ရွှင်နဲ့ အဲဒီလမ်းအတိုင်းလျှောက်သွားကြတာပေါ့။ လျှောက်နေရင်း ပထမအမျိုးသမီးက ဘဲတစ်ကောင်ကို နင်းမိပါလေရော။ အဲဒီအခါ သိကြားမင်းပေါ်လာပြီး၊ ပထမအမျိုးသမီးကို ရုပ်ဆိုးဆိုးနတ်သားတစ်ပါးနဲ့ လက်ဆက်ပေးလိုက်သတဲ့။ ကျန်တဲ့ အမျိုးသမီး(၂)ယောက်လည်း ဆက်လျှောက်လာရင်း ဒုတိယအမျိုးသမီးလည်းပဲ ဘဲတစ်ကောင်ကိုနင်းမိပြန်ပါလေရော။ သိကြားမင်းထပ်ပေါ်လာပြီး ဒုတိယအမျိုးသမီးကိုလည်း ရုပ်ဆိုးဆိုးနတ်သားတစ်ပါးနဲ့ပဲ လက်ဆက်ပေးလိုက်ပြန်ပါတယ်။ တတိယအမျိုးသမီးတစ်ယောက်ပဲကျန်ပြီး၊ ဆက်လျှောက်လာလိုက်တာ သူနေရမယ့် ဘုံဗိမ္မာန်ကို အမှားအယွင်းမရှိဘဲ ရောက်လာတော့တာပေါ့။ အဲဒီမှာပဲ သိကြားမင်းပေါ်လာပြီး တတိယအမျိုးသမီးကို အလွန်ချောတဲ့ နတ်သားတစ်ပါးနဲ့ လက်ဆက်ပေးလိုက်ပါတော့တယ်တဲ့။ အမျိုးသမီးကတော့ ပျော်ရွှင်နေတုန်းမှာပဲ အဲဒီနတ်သားလေးပြောလိုက်တာကတော့ "ဒီလောက် မမှားအောင်လျှောက်နေတဲ့ ကြားကနေ ဒီဘဲစုတ်တစ်ကောင်ကို နင်းမိလို့ အဖြစ်ဆိုးရတယ်" တဲ့။ အဲဒီတော့မှ တတိယအမျိုးသမီးက "သြော်. ငါမှန်ပေမယ့် သူများမှားတာနဲ့ပဲ ငါ့မှာ အရုပ်ဆိုးရတော့တယ်" တဲ့လေ။ ပုံပြင်လေးကတော့ ဒါပါပဲရှင်။

/* ခုတလော ဒီသဘောတရားလေးကို ကျွန်မလှိမ့်နေအောင်ခံနေရပါတယ်။ ဒါကြောင့် ဒီမနက်ဒီပုံပြင်ကိုကြားကြားချင်းပဲ သဘောကျနေမိတာပေါ့လေ။ */

တမ်းတခြင်း

ဘ၀တသက်
မေ့ဖျောက်ခက်သော
ကျောင်းပျော်ကာလ
သုံးနှစ်မျှကို
GCC ၌ကြုံခဲ့ဖူး၏ ။

Fresher ဘ၀
အစမျှနှင့်
senior ထုံး
နှလုံးမူကာ
computer trip
စုကာလစ်၏ ။

ကြားဖူးနားဝ
တောင်မျိုးစုံနှင့်
ဂူတချို့အပြင်
ဟိုသည်နေရာ
ခြေရာချင်းထပ်
ခရီးဆန့်၏ ။

ကျောင်းသွားကျောင်းပြန်
ချက်ပလက်ပေါ်၌
A side, B side
အပြိုင်ဟစ်ကြွေး
နားတွေလေးအောင်
ဆူခဲ့ဖူး၏ ။

ကမ္ဘာ့ဖလား
ထင်မှတ်မှားသည့်
တို့များရောင်းရင်း
ဘောလုံးအသင်း၏
အောင်မြင်မှုလည်း
ရှိခဲ့ဖူး၏ ။

ဂဏန်းတွက်ချိန်
Training ချိန်၌
လူခြေတွေတိတ်
ကျောင်းတံခါးပိတ်တိုင်
ပါရမီကူညီ
ဖြည့်ခဲ့ဖူး၏ ။

ရန်တွေဖြစ်လိုက်
ပြန်ချစ်လိုက်နှင့်
ဝေးမှလွမ်းသည့်
သူငယ်ချင်း၏
တန်ဖိုးကိုလည်း
သိခဲ့ပြီ ။

နေရာတွေပြောင်း
နှစ်တွေဟောင်းလည်း
ထိုသုံးနှစ်၏
အမှတ်တရများက
ဘယ်ခါတွေးတွေး
ရင်၌နွေး၏ ။

/* 2005 Hons: တက်တုန်းက ကရေးခဲ့တာပါ။ အတန်းထဲက သူငယ်ချင်းတွေပဲ နားလည်တဲ့စကားလုံးတွေပါပါတယ်။ definition တွေ နောက်တော့ ပြောပြပါ့မယ်။ */

လက်တမ်းပုံပြင်

ရင်ကိုတောက်စားတတ်တဲ့ ဖဲပွင့်တွေအကြောင်းကစရအောင်
'ချစ်တယ်' ဆိုတာ တကယ်တော့ သေဆုံးခြင်းတဲ့
နားလည်သူတွေရဲ့ ခေါင်းတညိတ်ကိုပဲ လက်ခံမှာပါ
အနာဂါတ်ဟာ ဘာအက္ခရာမှ ရေးထိုးမထားတဲ့ စာရွက်တရွက်မှ မဟုတ်ဘဲ
'ခဲဖျက်' ဆိုတာကလည်း ငယ်တုန်းပဲ အသုံးဝင်တာ
'မသေချာဘူး' ဆိုတဲ့လူတွေကို ပြုံးပြုံးကြည့်ရင်း
မျက်နှာကြောတွေ တင်းလာလိုက်တာ
ကမ္ဘာဦးကျမ်းကြီးတောင် မြွေတစ်ကောင်နဲ့ အကြီးအကျယ်ပြဿနာတက်လို့
'ငါတို့နောက်ဆုတ်ကြပါတော့လား။'
ကိုယ့်ကိုယ်ကို ပြောတာတောင် ကြားအောင်မပြောရဲတဲ့နောက်
ချောက်ကမ်းပါးဆိုတာလည်း ဂန္တ၀င်ဂီတတစ်ပါးပဲပေါ့
တစ်ခုပဲ . တစ်ခုပဲ ..
ဒီနေ့ထိ လူတွေ အယူလွဲနေတဲ့ 'အချစ်အကြောင်းစစ်စစ်' ကို
ဘယ်လိုလူကမှ သေချာမသိလေတော့
လက်တမ်းပုံပြင်တွေ တလေတလွင့် ရေပန်းစားကျန်ခဲ့တာ မဆန်းပါဘူး ။ ။

သိသု

/* မနော်ဟရီ ရဲ့ ၀တ္ထုတစ်ပုဒ်ထဲကပါ ။ အရမ်းကြိုက်လို့ သူငယ်ချင်းတော်တော်များများကို ကူးရေးပေးဖူးပါတယ်။ */

အခုတော့ ပါးစပ်ရာဇ၀င်လေး တစ်ခုဖြစ်လို့ ကျန်ခဲ့ပြီ။

တေးရေး - နိုင်မြန်မာ

ရေပြာလှိုင်းကမ်းခြေဆီ
မြေနီလမ်းကလေးကို ဖြတ်လျှောက်ခဲ့သည်
နေခြည်ရောင်ဝါခြုံလွှမ်းသည်
ပင်လယ်ဇင်ယော်တွေ ပျံဝဲလျက်ရှိသည်
အနောက်ဘက်မိုးတိမ်တွေလည်း မျောလွင့်ကြသည်
အဝေးကထုံးစေတီလေး ဖူးတွေ့မှန်းရည်
ဆည်းလည်းခတ်သံတွေလည်း သဲ့သဲ့မျှကိုယ်ကြားသည်။

ှဆံပင်တွေမျောလွင့်နေသည်
ဒီရေတိုးတက်သံသဲ့သဲ့ကြားသည်
ငိုသံလိုလိုထင်မိသည်
တချိန်တခါဆီကို မျှော်ရည်အသည်းနင့်မြစ်နဒီ
သက္ကရာဇ်နောက်ပြန်အတိတ်သွား
ရထားလေးတစ်စင်းသည်
ရုတ်တရက်ထွက်ခွာ ကာလအဟောင်းများသို့ဆီ
ကမ်းစပ်နံဘေးကရွာလေး
တဲစုစုအိမ်တန်းဆီ ။

တူနှစ်ကိုယ်မနီးစပ်နိုင်ပြီ
နှစ်ကိုယ်တူမှန်းတဲ့ အနာဂတ်ချစ်တိုင်းပြည်
ထူထောင်နိုင်ရန် စွန့်စားမည်
သူငိုနေစဉ် နေ၀င်စချုပ်ညရီ
နှေးတုံ့လေးကန် ခြေလှမ်းများစခဲ့ပြီ
တရွေ့ရွေ့ ရွေ့ကျန်ရွာလေးပျပျဝေးသီ
တနေ့တော့ချစ်ရွှေလက်တွဲ
နွှဲဆက်ဖို့ပြန်ခဲ့မည်။

ကိန္ဒရာချောင်းခြားလေပြီ
ကံကြမ္မာတရားက ရှင်ကွဲ ခွဲရက်ပြီ
တိမ်လိုလေလို လွင့်သွားပြီ
ရာသီရယ် အလီလီပြောင်းလဲခဲ့ပြီ
နှလုံးသား နှုတ်ငုံတော်ဦး ဖူးပွင့်ခဲ့ပြီ
အဝေးရောက်ချစ်သူ ပြန်ရောက်နောက်ကျခဲ့ပြီ
အသည်းအသက် လက်လွန် တဆင့်စကား နားနင့်နင့် ရင်ဆို့ ပြီ ။

မှော်ဆရာလေး ဖြစ်ချင်သည်
ပုံပြင်ဟောင်းကလေး အသက်သွင်းမိတော့မည်
တမလွန်ရွာသူ မြစန်းကြည်
ဒီရင်ဒီလွင်ဒီနှင် နှလုံးသားအရပ်ဆီ
အထိမ်းအမှတ် မျက်ရည်မြစ်ကလေး စီးဆင်းခဲ့ပြီ
အခုတော့ ပါးစပ်ရာဇ၀င်လေး တစ်ခုဖြစ်ခဲ့ပြီ
လှိုင်းဆင့်ဆင့် ရေယျာဉ်လှိုင်း
အလွမ်းရစ်မယ့်နဒီအပါးဆီ ။


/* လွှမ်းမိုး သီချင်းလေးပါ။ လွှမ်းမိုးဆိုထားတာကိုကြားဖူးပေမယ့် သိပ်မမှတ်မိတော့ပါဘူး။ ဇော်ပိုင်ပြန်ဆိုထားတာကိုပဲ နားထောင်ပြီး၊ အရမ်းကြိုက်နေတာပါ။
ဆံပင်တွေ လွင့်လာသလိုလို ဆည်းလည်းသံကြားသလိုလိုနဲ့၊ ကမ်းခြေတစ်ခုကို သတိရနေမိတယ်။
*/

Give and Take

အပေးနဲ့အယူ တဲ့ ။ လူတိုင်းကြားဖူးတဲ့ စကား။ ကျွန်မတို့နေ့တိုင်းကြုံနေရတဲ့ သဘောတရားလေးပါပဲ။ Give ပြီးမှသာ Take ကလာပါတယ် တဲ့။ မပေးဘဲနဲ့ဘာမှမရပါဘူး တဲ့။ ဟုတ်ပါတယ်။ လောကကြီးမှာ တစ်ခုပေးလို့ တစ်ခုရတာချည်းပါပဲ။ တရားလည်းတရားပါတယ်လေ။ တစ်ခုပေးပြီးလို့မှ တစ်ခုပြန်မရရင်တော့ ဒါဟာ မတရားတော့ပါဘူး။ တစ်ခုရလာပြီးတာတောင် တစ်ခုမှမပေးဖြစ်ခဲ့သေးဘူးဆိုရင်လည်း ကျေနပ်စရာ မကောင်းပြန်ပါဘူး။ ဘာမှပေးချင်ရင် ကိုယ်လည်းဘာမှမယူနဲ့။ ဘာမှမယူရင် ဘာမှပြန်ပေးစရာမလိုဘူး လို့လည်း ပြောလို့မရပါဘူး။ လူရယ်လို့ဖြစ်လာရင်တော့ မပေးချင်လည်း ပေးနေရမှာပဲ။ မယူချင်လည်းယူနေရမှာပါပဲ။
ကျွန်မအတွက်ကတော့ ပေးတယ်။ ယူတယ်ဆိုတဲ့ နေရာမှာ အရာဝတ္ထုပစ္စည်းတင်မက ပျော်ရွှင်မှု၊ ကျေနပ်မှု၊ စတဲ့ စိတ်ခံစားချက်တွေကိုလည်း ထည့်တွက်ထားပါတယ်။ ကျွန်မလုပ်ချင်တဲ့ အလုပ်တခုကို လုပ်ခွင့်ရမယ်။ အချိန်ကုန်မယ်။ ငွေကုန်မယ်။ လူပင်ပန်းမယ်။ အတိုက်အခံလုပ်ရမယ်။ ဆိုရင်တောင် လုံလောက်တဲ့ကျေနပ်မှုတခုရရင်ပဲ အဲဒါ ကျွန်မအတွက် Give and Take ပဲ။ ဒီလိုပဲ။ တခုခုကို ရထားပြီဆိုရင်လည်း အဲဒီအတွက် တခုမှပြန်မပေးရသေးရင် အလွန်အားနာရပါတယ်။ ပေးတဲ့သူက ဘာမှမျှော်လင့်မထားရင်တောင် အားနာရပါတယ်။ တချို့ သောသူတွေဆီကနေ ကျွန်မ Take ချည်းလုပ်မိတာရှိပါတယ်။ အဲဒီလူတွေကို ဘာမှပြန်မပေးနိုင်သေးတဲ့အခါ ကျွန်မ အမြဲ အားနာနေရပါတော့တယ်။ ကျွန်မကြောင့် ကျွန်မနဲ့ပတ်သတ်တဲ့သူတွေ ပျော်ရွှင်ရတယ် ဆိုလည်း ဒါ သူတို့ကို ပေးနိုင်တဲ့ ကျွန်မရဲ့ Give ပါပဲ။
သေချာစဉ်းစားမယ် ဆိုရင် ကျွန်မတို့တွေ Take တွေပဲ များနေမလား။ Give ကရော ရှိရဲ့လား။ အင်း .. Give များများလုပ်ပြီး၊ အဲဒီ Give ကနေမှ စိတ်ကျေနပ်ခြင်းဆိုတဲ့ Take ကိုပဲ ပြန်ယူနိုင်အောင် ကြိုးစားမယ်ဆိုလည်း ဘ၀ကြီးက နေပျော်စရာကောင်းမယ် ထင်တာပါပဲ။

ကျွန်မကြိုက်သော .. (၂)

ငါနဲ့ငါး

ဘာလို့များ
ငါ့ရဲ့နေရာကို
အိမ်မက်တွေပေးဖို့
တက်လာခဲ့ကြလဲ
လှိုင်းတို့ရယ် ..။

ကျောက်ဆောင်တွေ
ထာဝရအုပ်မိုးနေတဲ့
ငါ့ရဲ့လျှိုကလေးထဲမှာ
ငါးတချို့ ကို ချန်ထားလို့
ဝမ်းစာတခုအတွက်သာ
ငါအသက်ရှင်ခဲ့ရင်ဖြင့်
သူတို့ကို တံစို့မှာ ကင်မိလိမ့် ..။

ကံကခေဆဲပါ
သမုဒ္ဒရာရဲ့ ကမ်းခြေမှာ
ပုလဲရတနာနဲ့ လဲနိုင်မယ့်ငါးတို့ကတော့
ငါ မျှားတိုင်း ပါမလာခဲ့ ..။

ခင်မြဇင် (ရုပ်ရှင်တေးကဗျာရသစုံမဂ္ဂဇင်း။ ၃/၉၉)

/* Fish and Me

Why have you, the waves,
Swam up to my place
To give me dreams ?

Always shadowed by rocky cliffs
My ravine has fenced in some fish
Should I only live for my stomach,
I would impale them and grill.

Misfortunes have been befalling me
On the ocean beach
Fish that are worth bartering with pearls
Are not always caught
Though I expected they be.

Translated by Toe Kyaw Hlaing
*/

ကျွန်မကြိုက်သော .. (၁)

ခရီးဝက်မှတ်တိုင်

ပြီးခဲ့တဲ့ ခရီးတ၀က်ဟာ
နာကြည်းမှု နွမ်းနယ်မှု
ဖုန်ခိုးမြူထုထဲ မှုန်ဖွဲဖွဲကျန်ရစ်ခဲ့ ။

အို . မှတ်တိုင်...
ခြေစုံရပ်လို့ သင့်ရှေ့မှောက်ရောက်ခိုက်မှာ
နောက်ကြောင်း
ခြေလှမ်းပေါင်းထောင်ရာ
ဝေးကွာခဲ့ပြီ ။

ခရီးဦးအစက ချွန်မြတဲ့ဆူး
လေရူးလေပြင်းတွေလဲ
သွားလာရင်းအေးမြ လေ့ကျင့်သားရခဲ့ရဲ့ ။

သည့်ထက်ပိုပြီး မစူးနိုင်တော့ပါဘူး
သည့်ထက်ပိုပြီး မရူးနိုင်တော့ပါဘူး
ခရီးဦးမှတ်တိုင်မှ
ခရီးဝက်မှတ်တိုင် ယိုင်နဲ့နဲ့ခြေလှမ်း
သည်လိုနဲ့ စမ်းလျှောက်တတ်ခဲ့ပြီပဲ
မျှော်လင့်ခြင်းများစတင်
မှတ်တိုင်တွေ တသွင်သွင်ဖြတ်သန်း
လမ်းခုလတ်ရောက်မှတော့
ရှေ့ဆက်လျှောက်ရမပေါ့
အို. မှတ်တိုင်
မဝေးတဲ့မိုင်ပေါင်းများစွာ
ဖြောင့်မှန်စွာ ညွှန်ပြစမ်းပါ။

ခင်မြဇင် (စံပယ်ဖြူမဂ္ဂဇင်း။ ၆/၈၅)

/*
Halfway-stop

Halfway that has so far been made
Together with bitterness and burnout
Left behind in vague
Amidst the clouds of dust.

Oh.. Stop
When standing right at your feet,
The distance of hundred thousand steps, of course
(I've) already reached.

Like pointed thouns
Strong and wild winds of the beginning
As travelling on and on
Have turned out to be coding.

There could be no more strings than ever
Bestronger and wilder the winds could never

Till halfway from the start
In such clumsy steps
(I) could learn to walk on afar.

Hopes dwindled
Hopes started day by day
As getting past stops one by one
Right now on the halfway
Just to move on, having no other way.

Oh.. Stop
Miles are not far away ahead
Please show me the right track.
*/

မိုးရွာပြီးစ ညနေခင်း

စာရေးဆရာမ ခင်မြဇင်ရဲ့ မိုးရွာပြီးစညနေခင်း ဆိုတဲ့ခေါင်းစဉ်နဲ့ ကဗျာစာအုပ်လေးကို ဖတ်ဖြစ်ပါတယ်။ ကဗျာအားလုံးကို ဆရာ တိုးကျော်လှိုင်က Translate လုပ်ထားပါတယ်။ ကဗျာလည်းကြိုက်၊ English ကိုလည်း လေ့လာချင်သူတွေအတွက် အဆင်ပြေနိုင်မယ့်စာအုပ်ပါ။
ကဗျာဆိုတာ ဖတ်တဲ့သူပေါ်မူတည်ပြီး ခံစားချက် အမျိုးမျိုးပေးနိုင်စွမ်း ရှိတဲ့အရာလို့ ယူဆထားပါတယ်။ ကျွန်မတစ်ယောက်တည်းအနေနဲ့တောင် ကဗျာတပုဒ်တည်းအပေါ် ခံစားမိတဲ့ခံစားမှုက ကျွန်မရဲ့ စိတ်အခြေအနေပေါ်မူတည်ပြီး တချိန်နဲ့တချိန်မတူပါဘူး။ ခုချိန်မှာ ရှိတဲ့ကျွန်မခံစားမှုနဲ့ပဲ ဒီကဗျာစာအုပ်က ကဗျာတွေထဲကနေ ကျွန်မကြိုက်တဲ့ ကဗျာလေး နှစ်ပုဒ်ကို တင်ပေးချင်ပါတယ်။

Internet and download

ခုတလော ကျွန်မတို့ မြို့လေးမှာလည်း Internet ကိုစိတ်ဝင်စားမှု များပြားလာတယ် လို့ဝမ်းမြောက်ဖွယ် ကြားသိရပါတယ်။

လွန်ခဲ့သော (၂)နှစ် ကတော့ Internet ဆိုတာကို အသုံးပြုသူတွေ၊ စိတ်ဝင်စားသူတွေ ကျွန်မတို့ မြို့မှာ ရှားပါးပါသေးတယ်။ Cyber Cafe အနေနဲ့ဆိုရင် Training Center တခုနဲ့ DTP ဆိုင် တခု၊ နေရာ(၂)ခုမှာ သုံးလို့ရပါတယ်။ ipStar ပါ။ Connection ကတော့ စိတ်ရှည်ရင် ရှည်သလိုပေါ့နော်။ Email, Internet သင်တန်းဆိုတာလည်း သီးသန့်မရှိပါဘူး။ Internet Journal ကိုတောင် လွန်ခဲ့တဲ့ (၂)နှစ်ကဆိုရင် ကျွန်မတို့မြို့မှာဝယ်လို့မရသေးပါဘူး။

ခုချိန်မှာတော့ Cyber Cafe လိုသုံးနိုင်တာကတော့ အရင်ဆိုင်(၂)ဆိုင်ပဲရှိသေးပေမယ့် Access Kit တွေသုံးနိုင်လာပြီ။ ADSL လည်းရတော့မယ်တဲ့။ Email, Internet သီးသန့်သင်တန်းကိုလည်း တောင်းဆိုသူတွေ များပြားလာပါတယ်။ ADSL ရရင်တော့ Cyber Cafe ဖွင့်ဖို့ပြင်ဆင်နေတဲ့ သူတွေလည်း ရှိနေပါပြီ။ သုံးကြတာကတော့ အများစုက ထုံးစံအတိုင်း Chat မျိုးစုံနဲ့ Email ပဲပေါ့။ ဘာပဲသုံးသုံးလေ စိတ်ဝင်စားလာတာကိုက positive ပဲမဟုတ်လား။ Internet အသုံးပြုခက တစ်နာရီကို (1000) ကျပ်ပါ။

ဒါပေမယ့်..................................download 1 MB ကို (300) ကျပ် ပေးရပါတယ်တဲ့လေ။( ဘာလို့လဲဆိုတာတော့ ကျွန်မလည်း ipStar အကြောင်းမသိလို့ မပြောတတ်ပါဘူး။ ) ဒီတော့ Internet သုံးချင်ရင် တစ်နာရီအတွက် ငွေ (1000)ရယ်၊ စိတ်ရှည်မှုရယ်အပြင် download လုပ်မယ်ဆိုရင် download အတွက်လည်း ငွေလိုသေးတာပေါ့။ တစ်နာရီအတွက် (1000)ပဲ ရှိတယ်ဆိုရင်တော့ download မလုပ်ရုံပေါ့။ ပြဿနာကတော့ ကျွန်မက ကျွန်မရဲ့ သူငယ်ချင်းတွေဆီ ချစ်ခြင်းအားဖြင့် mp3 သီချင်းတစ်ပုဒ်လောက် ပို့ပေးလိုက်မယ်ဆိုရင် ကျွန်မရဲ့ ချစ်ခြင်းအားဖြင့် က သူ့အိတ်ထဲက အနည်းဆုံး(900) ကျပ်လောက် ကိုနှိုက်မိပြီးသားပဲပေါ့။

အင်းလေ..... ဘာပဲဖြစ်ဖြစ် Internet သုံးခွင့်ရတာ၊ download လုပ်ခွင့်ရတာပဲ ကံကောင်းလှပါပြီလေ။ နော့။

ဘာရယ်မဟုတ်ပါဘူး။ တိုးတက်လာပုံများ ပြောပါတယ်။

အပိုင်းအစများ

မလွမ်းဖြစ်ခဲ့ပါဘူး
ချည်နှောင်ထားတဲ့ကြိုးတွေ တင်းလွန်းလို့။

ဝန်မခံဖြစ်ခဲ့ဘူး
နောင်တရမှာ ကြောက်လို့။

သွားနှင့်ပါ။
လမ်းချိုးတစ်ခုမှာတော့ မှီနိုင်ကောင်းရဲ့ ။ ။

Happy Birthday

Happy Birthday My Dear !!!!!!!!!!

She is my loving friend. We have meet since 1997.

I miss u so much. I can't phone to u today. Forgive me.

Happy Birthday and Many happy return of the day............

dairy

ဒီနေ့အတွက်ဒိုင်ယာရီ

စနေ၊ တနင်္ဂနွေ နှစ်ရက်လုံး မနားဘဲ အလုပ်လုပ်ရပါတယ်။ ၀ါသနာပါတဲ့ အလုပ်မဟုတ်ပေမဲ့ ကိုယ့်တာဝန်ကိုတော့ အစွမ်းကုန် ကြိုးစားပါတယ်။ ပင်ပန်းတယ်။

Dream 2

ခေါင်းစဉ်မရှိသော

ညီမလေးပုံပြင်ကို ငါမသိပါဘူး
ဒါပေမယ့် အလွမ်းတွေတော့ လွင့်လွင့်လာတယ်။

ညီမလေးက ပျော်ရွှင်စေတတ်တဲ့ Hamster လေးဆို
ငါက သစစြာရှိတဲ့ ခွေးတစ်ကောင်ပဲ ဖြစ်ချင်တယ်။

ညီမလေးက ပြုစားတတ်တဲ့ စုန်းဆို
ငါက မီးခွက်စောင့်ဘီလူးပဲ ဖြစ်ချင်တယ်။

သူ့နှုတ်ခမ်းက ညီမလေးလို့ ဖွဖွရွတ်ချိန်မှာ
ငါ့နှလုံးသားက သူ့နာမည်ကို ညည်းတွားတယ်။

သူ့ရဲ့အိပ်ပျက်ညတွေနဲ့ ညီမလေးကဗျာတွေများလာချိန်မှာ
ငါက တဖက်သတ် အိမ်မက်ရှည်ရှည်တွေကို သိမ်းကျုံးမက်တယ်။

သူက ညီမလေးပုံပြင်ကို အသက်သွင်းလို့ ကောင်းတုန်းမှာ
ငါကတော့ ရင်ခုန်သံတွေကို သေဆုံးခိုင်းနေရတယ်။

ညီမလေးပုံပြင်ကို ငါမသိပါဘူး
ဒါပေမယ့် အလွမ်းတွေတော့ လွင့်လွင့်လာတယ်။

Threefold Refuge (သရဏဂုံသုံးပါး)

သရဏဂုံ(၃)ပါး
Taking Threefold Refuge

၁။ ဗုဒ္ဓံ သရဏံ ဂစ္ဆာမိ။
(မြတ်စွာဘုရားကို ကိုးကွယ်ရာဟူ၍ ယုံကြည်ဆည်းကပ်ပါ၏ ။)
I take refuge in the Buddha.

၂။ ဓမ္မံ သရဏံ ဂစ္ဆာမိ။
(တရားတော်ကို ကိုးကွယ်ရာဟူ၍ ယုံကြည်ဆည်းကပ်ပါ၏ ။)
I take refuge in the Dhamma.

၃။ သံဃံ သရဏံ ဂစ္ဆာမိ။
(သံဃာတော်ကို ကိုးကွယ်ရာဟူ၍ ယုံကြည်ဆည်းကပ်ပါ၏ ။)
I take refuge in the Sangha.

သရဏဂုံအကျိုးပြကဗျာ

သရဏဂုံ တကယ်မြဲရင်၊ အပါယ်ငရဲကြောက်ဖို့မလို။
နတ်ဖြစ်သော်လည်း တူနိုင်ရိုးလား၊ ဆယ်မျိုးဂုဏ်စု သူ့ထက်ပို။
ငါးဖြာအာရုံလာမတုနှင့်၊ အာယု၊ ၀ဏ္ဏ၊ သုခဆို။
အာဏာပိုင်စိုး၊ ခြွေရံတိုး၊ ဆယ်မျိုးဂုဏ်ကဲပို။
အဲဒါကြောင့် သရဏဂုံပန်း၊ အစဉ်လန်း ဆင်မြန်းပန်စေလို။

/* ၁။ အသက်ရှည်ခြင်း ၂။ အဆင်းလှခြင်း ၃။ ချမ်းသာကြီးခြင်း ၄။ အခြွေအရံများခြင်း ၅။ အစိုးရခြင်း။
၆။ အဆင်း ၇။ အသံ ၈။ အနံ့ ၉။ အရသာ ၁၀။ အထိအတွေ့ တို့ကိုသုံးဆောင်ခံစားမှု၌ သာလွန်ခြင်း */

Five Precepts (ငါးပါးသီလ)

ဝါခေါင်လဆုတ် (၈)ရက်၊ ဥပုသ်နေ့ ။

ငါးပါးသီလThe Five Precepts
၁။ ပါဏာတိပါတာ ဝေရမဏိသိက္ခာပဒံ သမာဒိယာမိ။
(သူ့အသက်လည်း မသတ်ဘဲ အမြဲရှောင်ကြဉ်မည်။)
I abstain from killing any living being.
၂။ အဒိန္နာဒါနာ ဝေရမဏိသိက္ခာပဒံ သမာဒိယာမိ။
(သူ့ဥစ္စာလည်း မခိုးဘဲ အမြဲရှောင်ကြဉ်မည်။)
I abstain from stealing.
၃။ ကာမေသုမိစ္ဆာစာရာ ဝေရမဏိသိက္ခာပဒံ သမာဒိယာမိ။
(ကာမဂုဏ်လည်း မမှားဘဲ အမြဲရှောင်ကြဉ်မည်။)
I abstain from committing sexual misconduct.
၎။ မုသာဝါဒါ ဝေရမဏိသိက္ခာပဒံ သမာဒိယာမိ။
(လိမ်ညာ၍လည်း မပြောဘဲ အမြဲရှောင်ကြဉ်မည်။)
I abstain from telling lies.
၅။ သုရာမေရယ မဇ္ဇပမာဒဋ္ဌာနာ ဝေရမဏိသိက္ခာပဒံ သမာဒိယာမိ။
(သေအရက်လည်း မသောက်ဘဲ အမြဲရှောင်ကြဉ်မည်။ မူးယစ်ဆေးလည်း မသုံးစွဲ အမြဲရှောင်ကြဉ်မည်။)
I abstain from taking intoxicating drinks and drugs.

ရင်ခုန်သံဒွိဟ

ရင်ခုန်သံဒွိဟ

ခေါင်းဖြီးဖို့နဲ့ဖိနပ်စီးဖို့၊
သြော်.... မဟုတ်ပါဘူး
နှလုံးသားကိုက နှစ်စုံဖြစ်နေတာ။

လောဘကြီးတာလား ?
အတ္တကြီးတာလား ?
အချစ် လို့ နာမည်တပ်ရမှာ အားနာစရာ။

ပုံပြောခဲ့တာ။
ဟင့်အင်း
ရင်ခုန်သံတစ်ခုစီက ၁၀၀% ပါ။

ထားခဲ့ကြမယ်။
ရပါတယ်
ငါ့အပြစ်နဲ့ငါပဲလေ။

နှလုံးသားတွေအတွက်
ကံကြမ္မာက
ခေါင်းပန်းလှန်ပေးမှာပါ။

ငါကတော့
ကဗျာဘွဲ့မှူးရဲ့ သီချင်းတစ်ပုဒ်ကိုပဲ
တရားခံရှာထားမယ်။ ။

Love

အချစ်

နှလုံးသား email မှတဆင့်
ဝင်လာတတ်သော virus တစ်မျိုး။
ဦးနှောက် anti-virus ကိုလှည့်စား၍
ဆင်ခြင်တုံတရား data များကို
ပျက်စီးစေသည်။ ။

Intro

ဒီ Blog လေးကတော့ ပထမဆုံးရေးဖြစ်တဲ့ Blog လေးပါပဲ။ ဒီလိုရေးချင်တာတော့ ကြာခဲ့ပါပြီ။ ခုမှသာ ရုပ်လုံးပေါ်လာ တာပါ။ ကျေးဇူးတင်ရမယ့်သူတွေကတော့ ကျွန်မဖတ်မိတဲ့ Blog တိုင်းက Blogger တွေပဲပေါ့။ နောက် Why do we blog Seminar ပါ။ (နောက် သိပ်မရင်းနှီးပေမဲ့ ကျွန်မ အားမနာ ပါးမနာ ဒုက္ခပေးနေတာကို မဆီမဆိုင်ခံနေရတဲ့ အစ်ကိုတစ်ယောက်ကိုလည်း ကျေးဇူးအထူးတင် ရမှာပါ။)

တကယ်တမ်းတော့ ကျွန်မက သာမန် user တစ်ယောက်ပါပဲ။ Internet ကိုတောင်သုံးဖြစ်တာ မကြာသေးပါဘူး။ Technical ပိုင်းလည်း နားမလည်၊ Software တွေအကြောင်းလည်းမသိ၊ ဘာမှလည်းမတတ်တော့ ဘာကိုရေးရမယ်ဆိုတာတောင် မသိပါဘူး။ Zawgyi keyboard Installer ကိုတောင် လွန်ခဲ့တဲ့ တစ်လလောက်ကမှ စမ်းတ၀ါးဝါးသိလာတာပါ။

ကဲ… ဒီတော့ ကျွန်မ ဘာတွေရေးမလဲ။ ခံစားချက်တွေ၊ စိတ်ကူးတွေကိုပဲ dairy သဘောမျိုးလေးရေးမယ်လို့ ဆုံးဖြတ်ထားပါတယ်။ ကျွန်မကိုယ်ကျွန်မလည်း Challenge လုပ်ထားပါတယ်။ ကျွန်မရဲ့ တိုးတက်မှုကိုပေါ့။ ဒီBlog လေးကို လာဖတ်တဲ့သူ တခုခုရသွားဖို့ အတွက်ဆိုရင် ကျွန်မ ကိုယ်တိုင် အများကြီးလေ့လာရမယ်လေ။ ဘယ်လောက်တိုးတက် လာမလဲ ဆိုတာ ကျွန်မကိုယ်ကျွန်မ စောင့်ကြည့်ချင်ပါတယ်။

ဒီနှစ် (2007) မှာ ကျွန်မ စိတ်ဓာတ်တွေတော်တော်ကျနေပါတယ်။ ကျွန်မအတွက် ကံမကောင်းတဲ့ နှစ်တစ်နှစ် လို့ဆိုရမှာပေါ့။ စာအုပ်ဖတ်ရင်တောင် ခေါင်းထဲဘာမှမ၀င်ပါဘူး။ ဒါ negative အခြေအနေဆိုတာ ကျွန်မသိပါတယ်။ ဒါကို ပြုပြင်ပြောင်းလဲဖို့ ကျွန်မ ကြိုးစားနေပါတယ်။ ဒီ Blog ဟာ လည်း ကျွန်မကြိုးစားမှု တစ်ခုလို့ ပြောလို့ရပါတယ်။

ကျွန်မရဲ့ Internet သုံးချိန်ဟာ တစ်လမှာ နာရီ(၂၀)ထက် မပိုတာမို့လို့ နေ့တိုင်း Update မဖြစ်နိုင်ပေမယ့် အတတ်နိုင်ဆုံး ကြိုးစားသွားပါ့မယ်။

Break

လမ်းခွဲ

ပြီးခဲ့ပြီပဲ

လွမ်းမနေပါနဲ့။

မင်းအလွမ်းကြောင့်

ငါအသက်ရှုကျပ်တယ်။

ပြောပြနေစရာမလိုပါဘူး

ရင်ထဲရှိရုံနဲ့တင် ကျေနပ်တယ်။

သူ့အပြစ်

ကိုယ့်အပြစ်

ကံကြမ္မာလို့ပဲ ထားလိုက်ပါ။

ချစ်သူတိုင်းသာ ပျော်ကြရရင်

အလွမ်းသီချင်းတွေ နှမြောစရာ

ကိုယ်တို့ အနစ်နာခံလိုက်ကြရအောင်။

/* This is wirtten in my uni hons: life. */

My Gtalk Picture

This is my gtalk picture. Most of my gtalk friends tell me to change that picture. So ugly. But i like it so much.

coz it is the same with me.

Dream 1

အိမ်မက်ခူးသူ

ငါဟာ အိမ်မက်မြင့်မြင့်တွေကို

အားကျတတ်တဲ့

ကောင်မလေးတစ်ယောက်ပါ။

ယုံကြည်ခြင်းကို တံချူလိုသုံး

မျှော်လင့်ခြင်းကို ခုတုံးလုပ်ပြီး

အိမ်မက်တွေကို လိုက်ခူးမိတယ်။

ငါကပဲ ညံ့လွန်းတာလား?

ငါ့အိမ်မက်တွေကပဲ မြင့်လွန်းတာလား?

ငါ့လက်ထဲမှာတော့ ဗလာနတ္ထိပဲ။

မဆုံးနိုင်သေးတဲ့ လမ်းတွေပေါ်

မမောတမ်းလျှောက်ရင်း

တခါတခါတော့လည်း

အခါခါရင်းရတဲ့ ရင်ဘတ်ကိုပဲ

အားနာလာမိတယ်။

I have written this poem when i have attended my uni second year (2003).