August 16, 2008

မသိခြင်းများအတွက်

မသိခဲ့ကြဘူး။
လိုအပ်ချက်တွေအကြောင်း။

မသိခဲ့ကြဘူး။
အထီးကျန်မှုများအကြောင်း။

မသိခဲ့ကြဘူး။
တွေဝေမှုများအကြောင်း။

မသိခဲ့ကြဘူး။
မိုက်မဲမှုများအကြောင်း။

မသိခဲ့ကြဘူး။
နာကျင်တတ်ခြင်းများအကြောင်း။

မသိခဲ့ကြဘူး။
ချစ်တတ်ခဲ့ခြင်းအကြောင်း။

မသိခဲ့ကြဘူး။
ဂရုစိုက်မှုများအကြောင်း။

မသိခဲ့ကြဘူး။
ပျော်ရွှင်မှုများအကြောင်း။

မသိခဲ့ကြဘူး။
...........

တချိန်ချိန်ကျရင်  ...
ဘယ်သူမှ မသိကြတဲ့
ခံစားချက်စစ်စစ်တွေအကြောင်းကို
ကျောက်စာတစ်ချပ်ရေးပြီး
ထားခဲ့မယ်။

နှလုံးသား Data Structure

နောင်တစ်ချိန်
Delete လုပ်ရမယ်မှန်း သိလျက်
လတ်တလောမှာ
ကိုယ့်နှလုံးသား linked list ထဲကို
မင်းကို insert လုပ်ခဲ့မိပြီ။

Preorder နဲ့ပဲစီစီ
Inorder ကိုပဲသုံးသုံး
Postorder နဲ့ပဲရေးရေး
Process လုပ်လိုက်ရင်
နှလုံးသား stack ထဲက ပြန်ထွက်လာက
I love you.

နှလုံးသား PTR က NULL မဖြစ်သရွေ့တော့
'I love you' Step ကိုပဲ
Repeat, Repeat, ...

/* ဒီကဗျာလေးက မှတ်မှတ်ရရ တက္ကသိုလ် ဒုတိယနှစ် Programming နဲ့ Data Structure ဖြေရမယ့် ညမှာ စာကျက်ရင်းရေးမိတဲ့ ကဗျာလေးပါ။ ကျောင်းတုန်းက သူငယ်ချင်းတွေနဲ့ စုထုတ်တဲ့ ကဗျာစာအုပ်မှာတော့ ထည့်ဖူးတယ်။ အမှတ်တရ အနေနဲ့ တင်ထားလိုက်တာပါ။ */

August 14, 2008

Body Tempo

ဇီဝနာရီ

ကမ္ဘာကြီးဟာ ကျဉ်းမြောင်းလာတာနဲ့အမျှ လူသားတွေရဲ့ လှုပ်ရှားမှုဘောင်ဟာလည်း ကျယ်ပြန့်လာပါတယ်။ အတိတ်တုန်းက တော်တော်နဲ့ မရောက်နိုင်ခဲ့တဲ့နေရာတွေဟာလည်း ခုချိန်မှာတော့ သွားနိုင်လာပြီး၊ မွေးရပ်မြေလွမ်းတဲ့ကဗျာတို့ သီချင်းတို့ဆိုတာလည်း အတိတ်မှာ ကျန်ရစ်ခဲ့ပါပြီ။ ပုံပြင်တွေထဲကလို လနတ်သမီးက လကမ္ဘာကို ပြန်သွားလို့ လိုက်သွားချင်တယ်ဆိုရင်တောင် လိုက်သွားလို့ရနိုင်တဲ့ ခေတ်ဖြစ်လာပါတယ်။ ဒါပေမယ့် အဝေးမှာ ရှိတဲ့အရာကို နီးအောင်လုပ်တယ်ဆိုတဲ့နေရာမှာလည်း ခန္ဓာကိုယ်တင်မက စိတ်ကိုပါ အလွန်အကျွံဖြစ်စေတဲ့ ကိစ္စမဟုတ်ပါလား။

ခုတလော ဇီဝကမ္မဗေဒပညာရှင် တစ်ယောက်ရဲ့ ပြောစကားကို ဖတ်ပြီး စိတ်ထဲက ချီးကျူးမိပါတယ်။ လူသားတွေရဲ့ နှလုံးဟာ အကြမ်းအားဖြင့် ၁ စက္ကန့်မှာ ၁ ကြိမ်ခုန်ပြီး၊ ကြွက်တွေက ၀.၁ စက္ကန့်မှာ ၁ ကြိမ် ခုန်ပါတယ်။ ဆင်တွေကတော့ ၁ ကြိမ် နှလုံးခုန်ဖို့ ၃ စက္ကန့် ကြာပါတယ်။ ဒါပေမယ့် တစ်ဘ၀လုံးရဲ့ နှလုံးခုန်တဲ့အရေအတွက်က အားလုံးမှာ 1.5 ဘီလျံ ကြိမ်ရှိပါတယ်။ သတ္တ၀ါအားလုံးဟာ တစ်ဘ၀လုံးအတွင်းမှာ အသုံးပြုရမယ့် စွမ်းအင်ဆိုတာကလည်း သတ်မှတ်ထားပြီးသားပါ။ သေးငယ်တဲ့ ကြွက်တွေက ဘ၀ကို လျင်လျင်မြန်မြန် ဖြတ်သန်းပြီး၊ ဆင်တွေကတော့ ဖြည်းဖြည်းဆေးဆေး နားနားနေနေ အသက်ရှင်ကြပါတယ်။ လူသားတွေအတွက်လည်း သတ်မှတ်ထားတဲ့ ဇီဝနာရီ ဆိုတာရှိပေမယ့် မြို့နေလူတန်းစားတွေဟာ အဲဒါကို computer တို့၊ အဝေးပြေးရထားလမ်းစတာတွေကို သုံးပြီး ပိုပိုမြန်လာအောင် လုပ်နေတာကြောင့် ဇီဝနာရီ နဲ့ တကယ့် လူ့အဖွဲ့အစည်းကြားရှိတဲ့အချိန်ရဲ့ ကွာဟမှုကနေ စိတ်ဖိစီးမှု ဆိုတာမျိုးတွေ ဖြစ်လာပါတယ်။ မြို့နေလူထုရဲ့ နေထိုင်မှုဘ၀ဟာ သဘာဝမဟုတ်ပါဘူး။ ပုံမှန်ရှိရမယ့် လူဦးရေရဲ့ သုံးဆလောက်နဲ့ ပြည့်ကျပ်နေတဲ့ မြေအောက်ရထားတွေဟာလည်း ကြောက်စရာကောင်းလှပါတယ်။ အဲဒီလိုမျိုး သိပ်သည်းဆမှာ နေရတာဟာ ခြင်လိုသေးငယ်တဲ့ သတ္တ၀ါတွေလောက်ပဲ ဖြစ်ရမှာပါ။ ပြည့်ကျပ်နေတဲ့ ရထားစီးပြီး ဆင်ခြေဖုံးတွေကနေ မြို့ထဲကို အသွားအပြန်လုပ်ရတာဟာ လှောင်အိမ်ထဲသွတ်သွင်းခံရတဲ့ ပိုးကောင်တွေလို ဖြစ်နေပြီး၊ အဲဒီပိုးကောင်လေးတွေက ဆင်တွေရဲ့ ကျယ်ဝန်းလှတဲ့ လှုပ်ရှားမှုဘောင်မှာ လှုပ်ရှားသွားလာရသလို ဖြစ်လာတယ်လို့ ဆိုကြပါတယ်။

တကယ်တော့ လူသားတွေဟာလည်း ခန္ဓာကိုယ်ရဲ့ ဇီဝနာရီအတိုင်း နေထိုင်တာပဲ ကောင်းပါတယ်။ အဲဒီလိုမျိုး တွေးမိပေမယ့် တကယ့်လက်တွေ့ဘ၀မှာတော့ စိတ်ဖိစီးမှုတွေကို ပေါ်ပေါက်စေတဲ့ computer တို့၊ အဝေးပြေးမြေအောက်ရထားတို့ကို အသုံးမပြုလို့ မရပြန်ပါဘူး။ အတတ်နိုင်ဆုံး လုပ်နိုင်တာလေးတစ်ခုကတော့ ကိုယ်ကိုယ်တိုင်က မဖြစ်နိုင်တာကို လုပ်နေတယ်ဆိုတာ သဘောပေါက်ပြီး၊ စိတ်ဖိစီးမှုတွေကို လျော့ချနိုင်တဲ့ နည်းလမ်းကို စဉ်းစားတာပဲ ဖြစ်ပါတယ်။

August 09, 2008

What born am i?

စောရနက္ခတ်နဲ့ ယှဉ်မွေးတာတို့၊ ဘာတို့ ကြားဖူးကြမယ် ထင်တယ်။ ကျွန်မကျ ဘာနက္ခတ်နဲ့ ယှဉ်မှန်းမသိပါဘူး။ ကျွန်မလက်နဲ့ထိရင် ပျက်တာချည်းပဲ။ ကျွန်မအစ်ကိုကြီးက ဆိုရင် ခဏခဏ ပြောဖူးတယ်။ ကျွန်မက ဖျက်ဆီးရေး Monster တစ်မျိုးပဲတဲ့။ ဟုတ်များနေမလားပဲ။ ငယ်ငယ်ကတည်းက ဘာလုပ်လုပ် ပျက်တာများကိုကိုး။ အိမ်မှာ ပစ္စည်း ၁၀ခုပျက်ရင် ၉ခုက ကျွန်မလက်ထဲမှာ ပျက်တာ။ ကျွန်မထင်တာတော့ ပျက်ခါနီးကိုင်မိလို့များလားလို့ပါ။ ပစ္စည်းတစ်ခုကို သူရော ကိုယ်ရော တူတူသုံးတယ်ဆိုအုံးတော့ ကျွန်မလက်ထဲက ပစ္စည်းပဲ အရင်ပျက်တာ၊ ပျောက်တာများတယ်။ ကြမ်းကြမ်းတမ်းတမ်းရှိလို့လားလဲ မသိပါဘူး။
တခါတခါဆို အဲဒီလို အပျက်ဓါတ်က ရက်ဆက်ကျတာ။ တခါတလေလည်း အကောင်းပါ။ ခုတလောတော့ အပျက်ဓါတ်လေးပြန်ကျနေပြန်ရော။

ပြီးခဲ့တဲ့ ရက်က ကျွန်မအရမ်းကြိုက်တဲ့ ကျွန်မရဲ့ ထီးအမည်း အရှည်လေး (ကျွန်မက ကျွန်မရဲ့ ကင်ဒိုဓါးရှည်လို့ ခေါ်ပါတယ်။ ) အဲဒါလေး ကိုင်းကျိုးသွားရော။ ဆောင်းမရတော့တော့ တော်တော်စိတ်မကောင်းဖြစ်သွားတာ။ ဒါတောင် ရုံးကလူတွေက ကျွန်မကို "ထီးပြောင်းလိုက်တာလား" မေးကြသေးတယ်။ မညှာမတာ။

နောက် ကျွန်မ ကျောပိုးအိတ်မှာ ချိတ်ထားတဲ့ သော့ချိတ်လေးပျောက်သွားတယ်။ အစ်မတစ်ယောက်လက်ဆောင်ပေးထားတာ။ ကျွန်မသော့ချိတ်တွေက ခဏခဏတော့ ပျောက်တတ်ပါတယ်။ ဒါပေမယ့် ဒီသော့ချိတ်လေးက အရမ်းကြိုက်လို့။ စိတ်မကောင်းဖြစ်နေတာ။

ကဲ ဒီနေ့ရောက်ရော။ မနက် အိမ်မှာ Computer သုံးဖို့ ဖွင့်ပါတယ်။ Virus Scan လုပ်တုန်းရှိသေး ရပ်သွားပြီး Restart ပြန်ချတော့ Window ပြန်မတက်တော့ဘူး။ ကျွန်မ computer လေးကတော့ ခပ်စုတ်စုတ်ပါပဲ။ ကျွန်မခိုင်းသမျှလည်း မညည်းမညူလုပ်ပေးရှာတာပါ။ ကျွန်မကသာ ခုတလော သူနေမကောင်းတာ သိရက်နဲ့ ဟို Software တင်  ဒီSoftwareတင် လုပ်နေတာ။
ထူးခြားတာတစ်ခုရှိတယ်။ computer ကလေ တခါမှ အစ်ကိုတွေ သုံးတုန်းပျက်တာမရှိဘူး။ ပျက်ပြီဆို ကျွန်မလက်ထဲချည်းပဲ။ အဲဒါကြောင့် ကျွန်မပဲ ဖျက်ဆီးရေး သမားဖြစ်နေတာ။ ဒီနေ့လည်း တိုက်တိုက်ဆိုင်ဆိုင် ပျက်ပြန်ရော။

ဒါနဲ့ စိတ်ညစ်ညစ်နဲ့ပဲ သင်တန်းကို ထွက်လာလိုက်တာ။ ကားကမှတ်တိုင်ကျော်သွားပြန်ရော။ ကားတဆင့်ပဲစီးချင်တာရော၊ လမ်းလျှောက်ရတာ ကြိုက်တာရော ကြောင့် အဲဒီလမ်းကြောကို ရွေးထားတာ။ ဆင်းနေကျမှတ်တိုင် ဆင်းရင်တောင် သင်တန်းရောက်ဖို့ 15 မိနစ်လောက် အချိန်ယူရပါတယ်။ ဒီနေ့တော့ အချိန်က ကပ်နေရတဲ့ကြားထဲ။ ကျွန်မအတွေးလွန်နေတာနဲ့ ကျော်ရော မှတ်တိုင်က။ အသည်း အသန် လမ်းပြန်လျှောက်ရရော။

မိုးကာတစ်ဘက်နဲ့ ဖရိုဖရဲ ပြေးရင်းတန်းလန်း လွယ်ထားတဲ့ကျောပိုးအိတ်က ကြိုးပြတ်ကျပါလေရော။ စိတ်ညစ်သွားတာပဲ။ ဒီလိုနဲ့ သင်တန်းရောက်တယ်။

သင်တန်းပြီးတော့ သူငယ်ချင်းတွေနဲ့ မုန့်တီသောက်မယ် ဆိုပြီး သောက်နေကျ ဆိုင်သွားတာ။ ထူးထူးဆန်းဆန်းပိတ်ထားတယ်လေ။ ဒါနဲ့ အဲဒီအစ်မတွေကပဲ အိတ်ကပြုတ်သွားတဲ့ ကွင်းလိုက်ရှာပေးတယ်။ ကျွန်မကတော့ ကျောပိုးအိတ်လေး ပိုက်ထားရတာပေါ့။ ဟိုနားမှာ ရှိတယ် ဆိုလို့ သွားရင် ဆိုင်ပိတ်တာနဲ့။ ဒီနားဆိုရင် မရှိတာနဲ့။ အစ်မတွေလည်း သွားစရာရှိတာနဲ့။ " ဆု နင် ဘုရားမရှိခိုး လာဘူးထင်တယ်" တဲ့။ ဘယ်ဟုတ်မလဲ။ ဥပုသ်နေ့မို့။ တရားတောင်နာခဲ့သေး။ ကံကိုမကောင်းတာ။ သူတို့ကလည်း " နင်ခုတလော ဟိုဟာတလွဲလုပ်လိုက် ဒီဟာတလွဲလုပ်လိုက်နဲ့ ဟိုပျောက်ဒီပျက်နဲ့၊  နင်အိမ်ပြန်တော့တဲ့" ။ နောက်နေ့မှ ရှာပေးမယ်တဲ့။

ဒါတောင် ကျွန်မက ခေါင်းမာမာနဲ့ပဲ ကျွန်မသိတဲ့ အိတ်ပြင်တဲ့ဆိုင်ကို တကူးတက သွားတာတောင်။ ဖြစ်ချင်တော့ ဆိုင်ပိတ်ပြန်ရော။ ဥပုသ်နေ့ကိုး။

ဒါနဲ့များတောင် အိမ်မပြန်သေးဘဲ အင်တာနက်ဆိုင်မှာ ခုထိ။

နောက်ထပ် ဘာတွေဖျက်ဦးမယ်တော့ မသိသေးဘူး။ ခပ်ကြောက်ကြောက်ပဲ။

ဘာနက္ခတ်နဲ့များယှဉ်မွေးပါလိမ့်။

Poem & Thought

ဇာတ်သိမ်းပိုင်း

မွှေးမြစွာ
ပွင့်ပြဖို့ မရည်ရွယ်ပါဘူး။

မြေကြီးထဲ
ဆန့်ထုတ် ကုတ်ခြစ်
အမြစ်ပမာ
ချစ်နေရုံ

ငါက
အမှိုက်တစ်စဖြစ်ခဲ့လည်း
မင်းရှင်သန်လှပဖို့
မြေသြဇာဖြစ်ချင်သူ

နောက်ဆုံးတိုင်
မင်းကကြွားကြွားဝင့်ဝင့်ပွင့်ပါ
ငါက မြေကြီးထဲနက်နက်
ဖြန့်ကြက်ချိတ်တွယ်ရုံနဲ့
တစ်ဘ၀စာ ဖူလုံခဲ့ပါပြီ။

မွန်းအိမ်

/* တနေ့က ကျောင်းစာအုပ်အဟောင်းလေးတစ်အုပ်ထုတ်တာ စာအုပ်နောက်ဆုံးမှာ ဒီကဗျာလေးကို တွေ့တယ်။ ဘယ်က ဘယ်တုန်းက ကူးထားမှန်း မမှတ်မိဘူး။  ကြိုက်လို့ကူးထားတာ နေမှာ။
ခုတော့ ဒီလိုတွေးမိတယ်။ အဲဒီလို အမှိုက်တစ်စ ဖြစ်ခွင့်ရဖို့တောင် မလွယ်တဲ့အခါတွေရှိပါတယ်။ တကယ်တော့ မြေသြဇာဖြစ်ခွင့်ရတာ၊ အမှိုက်လေးဖြစ်ခွင့်ရတာ၊ လှေကားထစ်လေး ဖြစ်ခွင့်ရတာ၊ သူ့ဘ၀မှာ အမှုန်တစ်မှုန်လောက် အနေနဲ့ပဲဖြစ်ဖြစ် ကိုယ်ပါခွင့်ရတာမျိုးပေါ့။ အဲဒါမျိုးဆိုရင်တောင် တော်တော်ကျေနပ်စရာကောင်းလှပါပြီ။ ခပ်လှမ်းလှမ်းက လူမသိသူမသိတွေလည်း ရှိသေးတာကိုး။
ဘာရယ်တော့ မဟုတ်ပါဘူး။ ဒီလိုပဲ တွေးမိတာပါ။
*/