လက်တမ်းပုံပြင်

ရင်ကိုတောက်စားတတ်တဲ့ ဖဲပွင့်တွေအကြောင်းကစရအောင်
'ချစ်တယ်' ဆိုတာ တကယ်တော့ သေဆုံးခြင်းတဲ့
နားလည်သူတွေရဲ့ ခေါင်းတညိတ်ကိုပဲ လက်ခံမှာပါ
အနာဂါတ်ဟာ ဘာအက္ခရာမှ ရေးထိုးမထားတဲ့ စာရွက်တရွက်မှ မဟုတ်ဘဲ
'ခဲဖျက်' ဆိုတာကလည်း ငယ်တုန်းပဲ အသုံးဝင်တာ
'မသေချာဘူး' ဆိုတဲ့လူတွေကို ပြုံးပြုံးကြည့်ရင်း
မျက်နှာကြောတွေ တင်းလာလိုက်တာ
ကမ္ဘာဦးကျမ်းကြီးတောင် မြွေတစ်ကောင်နဲ့ အကြီးအကျယ်ပြဿနာတက်လို့
'ငါတို့နောက်ဆုတ်ကြပါတော့လား။'
ကိုယ့်ကိုယ်ကို ပြောတာတောင် ကြားအောင်မပြောရဲတဲ့နောက်
ချောက်ကမ်းပါးဆိုတာလည်း ဂန္တ၀င်ဂီတတစ်ပါးပဲပေါ့
တစ်ခုပဲ . တစ်ခုပဲ ..
ဒီနေ့ထိ လူတွေ အယူလွဲနေတဲ့ 'အချစ်အကြောင်းစစ်စစ်' ကို
ဘယ်လိုလူကမှ သေချာမသိလေတော့
လက်တမ်းပုံပြင်တွေ တလေတလွင့် ရေပန်းစားကျန်ခဲ့တာ မဆန်းပါဘူး ။ ။

သိသု

/* မနော်ဟရီ ရဲ့ ၀တ္ထုတစ်ပုဒ်ထဲကပါ ။ အရမ်းကြိုက်လို့ သူငယ်ချင်းတော်တော်များများကို ကူးရေးပေးဖူးပါတယ်။ */