ဘယ်လိုအကြောင်း ဘယ်လိုကံမျိုးနဲ့မှ
နောက်တစ်ကြိမ် ပြန်သောက်ခွင့်မရှိတဲ့
ဖျော်ရည်တစ်ခွက်ကို အားလုံးနဲ့တူတူ သောက်ဖူးတယ်။
အဲဒီဖျော်ရည်ထဲမှာ
တလက်လက်တောက်နေတဲ့ မျှော်လင့်ချက်တွေ
မကောက်ကျစ်တတ်သေးတဲ့ ကိုယ်ကျင့်တရားတွေ
အရောင်မပါတဲ့ ရင်ခုန်သံတွေ
ချစ်ခြင်းထက်ပိုတဲ့ သံယောဇဉ်တွေ
နောက် ... ပျော်စရာကောင်းတဲ့ နာကျင်မှုတွေ
...............
အချိုးကျကျရောစပ်ထားခဲ့တယ်။
တဖြည်းဖြည်းသေဆုံးလာနေတဲ့ မျှော်လင့်ချက်တွေ
အတ္တဆန်လာတဲ့ ကိုယ်ကျင့်တရားတွေ
နွေးထွေးချင်ယောင်ဆောင်လာတဲ့ အေးစက်မှုတွေ
စည်ကားသလိုနဲ့ အထီးကျန်မှုတွေ
ဒါနဲ့ပဲ ခုချိန်မှာငါ ...
ဖျော်ရည်သောက်ရတဲ့ကာလကို အိမ်မက်မက်တယ်။
16th Nov 2007.. 5:10 Pm
November 16, 2007
ဖျော်ရည်
Subscribe to:
Post Comments (Atom)
No comments:
Post a Comment