အထက်တန်းကျောင်း နှင့် ကျွန်မ

(၆) အ.ထ.က၊ မော်လမြိုင်။ မော်လမြိုင်မြို့၊ စစ်ကဲကုန်းရပ်မှာတည်ရှိပြီး၊ မော်လမြိုင်မြို့မှာဆိုရင်တော့ အကျယ်ဆုံးကျောင်းပါပဲ။ အင်္ဂလိပ်ခေတ်က ကျောင်းဖြစ်လို့ တိုင်လုံးကြီးတွေနဲ့ ထုနဲ့ထည်နဲ့ပါ။ အဆောင်တွေနာမည်ကလည်း မြစိမ်းဆောင်၊ ပတ္တမြားဆောင်၊ သိင်္ဂီဆောင်၊ နီလာဆောင်၊ ပုလဲဆောင် စသည်ဖြင့်ပါ။ အတော်ဆုံးနဲ့ Top Ten စာရင်းဝင် ကျောင်းသားတွေ မွေးထုတ်ပေးတဲ့ ကျောင်းတစ်ကျောင်းလည်း ဖြစ်ပါတယ်။ ကျောင်းပိုင် ကျောင်းကြိုပို့ယာဉ်ရှိတဲ့ တစ်ခုတည်းသော ကျောင်းလည်းဖြစ်ပါတယ်။ မော်လမြိုင်ကကျောင်းတွေက မိန်းကလေးတွေဆိုရင် ၅တန်းလောက်ကျရင် ဆံပင်နှစ်ဖက်စည်းပြီး ဖဲကြိုးချည်ရပါတယ်။ ကျောင်းနဲ့လိုက်ပြီး ဖဲကြိုးအရောင်ကွဲပါတယ်။ ကျောင်းသူတစ်ယောက်ကိုမြင်ရင် သူ့ဖဲကြိုးကြည့်ပြီး ဘယ်ကျောင်းကလည်း တန်းသိနိုင်ပါတယ်။ ကျွန်မတို့ အမှတ်(၆)ကတော့ ဖဲကြိုးအနီရောင်ပါ။

သူငယ်တန်းကနေဆယ်တန်းအထိ (1990 ကနေ 2001) ကျွန်မရဲ့ မှတ်ဥာဏ်ထဲက အမှတ်ရစရာ အားလုံးဟာ အဲဒီကျောင်းမှာ ရှိနေခဲ့တာပါ။ ကျွန်မတို့အိမ်နဲ့ ကျောင်းဟာ ဝေးတယ်ပြောလို့ရတဲ့ အကွာအဝေးမှာ ရှိပါတယ်။ ကျွန်မတို့မောင်နှမအားလုံးက ကျောင်းက ကျောင်းကားနဲ့ပဲ ကျောင်းတက်ခဲ့ကြပါတယ်။ 5611၊ 3828၊ ပေါင်မုန့်ကား ကားသုံးစီးရှိတဲ့အထဲက ကျွန်မတို့က 3828 ဆိုတဲ့ကျောင်းကားရဲ့ ပထမခေါက်မှာ စီးရပါတယ်။ မနက် 7နာရီခွဲဆို ကျောင်းကားက အိမ်ရှေ့ရောက်ပြီ။ 9နာရီတက်မယ့်ကျောင်းကို ကျွန်မတို့က 8နာရီကျော်ကျော်မှာ ရောက်တဲ့အတွက် အမြဲတမ်း ကစားချိန်အများကြီးရခဲ့ပါတယ်။

အဆောင်တွေက တစ်ဆောင်နဲ့ တစ်ဆောင် ဝေးတယ်။ ကျယ်တယ်။ ဒီတော့နေ့လည်ထမင်းစားလွှတ်ချိန်တွေမှာ အဆောင်ပတ်တမ်းကစားခဲ့တာလည်း အမှတ်ရစရာတစ်ခုပါပဲ။ နောက်တခုက အတန်းမတက်ချင်တဲ့အချိန်မျိုးတွေမှာ ဟိုဆရာမခိုင်းလို့ ဟိုဘက်အဆောင်သွားရသလိုလို ဒီဆရာမခိုင်းလို့ ဒီဘက်အဆောင်သွားရသလိုလို လုပ်လိုက်ရင်လည်း စာသင်ချိန်တ၀က်လောက် ပြေးလို့ရတာ သတိရသေးတယ်။

ကျွန်မအချစ်ဆုံး ဆရာမတွေ၊ ခုချိန်ထိကို ကျွန်မအနားမှာရှိနေသေးတဲ့ အချစ်ဆုံးသူငယ်ချင်းတွေ။ သူပေးခဲ့တဲ့ လက်ဆောင်တွေထဲကတချို့ပေါ့။